Que pequeno non se deixa seducir por ese obxecto redondo chamado pelota? Será pola súa textura? Polo seu tamaño? Por que roda cando tentan agarrala? Por que vai lonxe cando a chutan? Por que bota cando a lanzan?

O xogo con pelotas impulsa aos bebés a arrastrarse ou gatear e  cando son máis grandes corren tras delas para poder alcanzalas, traballando o equilibrio e a coordinación.

É tamén unha excelente oportunidade para que nenas e nenos desenvolvan as súas habilidades sociais.

Xogar con pelotas de distintos tamaños favorece a motricidade fina. Si é unha pelota grande buscamos collela con ambas mans. Ademais podemos ofrecer pelotas con texturas para traballar a parte sensorial.

Toso isto facemos coas pelotas:

Atrapalas entre as mans!

Atopalas entre as teas!

 

“Correr” detrás delas ( gateando en todas as súas modalidades tamén vale)

Lanzalas ao aire, a unha compañeira ou adultos.

Tirala e recollela, só ou entre varios.

Sentarse encima dela.

Tumbarse encima dela.

Encestala.

Colocala en diferentes parte do corpo.

Facer acopio delas (cantas son capaz de transportar!)