Arquivos mensuais: Novembro 2014

Charla pediátrica: enfermidades infantís

A colaboración do Servizo de pediatría do Concello de Tui, para a formación de familias e profesionais sobre temas de saúde relacionados coa crianza das nenas e nenos máis pequenos é de gran valor e mellora as nosas competencias no coidado das cativas e dos cativos.

Nesta primeira ocasión, a charla informativa versaba sobre as enfermidades infantís máis comúns. Pareceunos moi interesante porque é moi frecuente que por falta de información non apliquemos as medidas máis axustadas a cada caso. Por exemplo, coa febre, que o máis habitual é dar o antitérmico para que non lle suba, con febrícula, o recomendable é agardar a que a temperatura supere os 38 ºC e a nena ou neno teña malestar.

Deixamos a continuación varios enlaces de interese que nos foron facilitados polo persoal sanitario para a súa difusión, e que tamén podedes atopar nos paneis da entrada da escola:

decalogo-de-la-tos-aepap-1-728 decalogofiebre

 

www.sergas.es/escolasaude

http://xenteconvida.sergas.es

http://sencarie.xunta.es

www.vacunasaep.org

www.familiaysalud.es

http://enfamilia.aeped.es

www.famiped.es

DSCN6041Só nos queda agradecer ao Servizo de pediatría o seu interese e colaboración para desenvolver estas charlas informativas sobre saúde infantil no noso centro.

 

 

A mesa de experimentación

Trátase dunha mesa cun balde incrustado, que permite ás nenas e nenos, situados de pé ao seu redor, manipular area ou outro material continuo ( arroz, pasta, fariña,…) e realizar un xogo, que é, á vez, sensorial e simbólico, ao introducir non so elementos para a manipulación ( coadores, culleres, tubos,…) senón tamén pequenas ramas, coches, animais,…

Admite moitas variedades tanto do material base como dos obxectos complementarios. Pode situarse na clase, no corredoiro, no xardín,…

Paola Tonelli (autora), que lle chamou a mesa azul, explica que é importante que soamente xoguen á vez dous ou tres nenas e nenos, xa que maior número interrompen e molestan entre eles.

A “ mesa azul” xera experiencia manipulativa cos diversos materiais ( area, auga, fariña, auga, herba, graos, follas, cunchas,…), promove o desenvolvemento expresivo e emociona e reforza a habilidade lóxico-matemática, xa que nos permite:

 Manipular materiais, desenvolvemento sensorial e habilidade manual.

 Favorecer o desenvolvemento emocional.

 Favorecer o desenvolvemento da expresión e da linguaxe.

 Desenvolver a actividade lóxico-matemática.

 Fomentar a observación.

 Activar a imaxinación e a creatividade.

 Favorecer a emerxencia da interioridade e a construción da identidade.

 DSCN5513

A nosa non é azul, é verde con patas amarelas e igualmente nenas e nenos investigan, manipulan e gozan dos elementos que atopan no seu interior.

Paloma Sainz de Vicuña, Educar en el aula de 2 años, Ed. Graó.