O luns de entroido as crianzas viñeron disfrazadas con roupa que temos pola casa e o martes cada un disfrazouse libremente e xuntámonos cunha morea de disfraces diferentes: paiasos, chinos, reis, xoaniñas,…Estabamos tod@s guapísim@os!!
Para festexar o entroido este ano escollemos a temática do conto “O frautista de Hamelin”. como xa viñamos facendo anos anteriores quixemos compartir esta festa c@s nos@s familiares e compañeir@os de cole dos maiores, e polo tanto fixemos un pasarrúas con eles. Mirade que guapos iamos…
Os máis cativos para introducir a actividade do entroido fixemos un meco. Cada día este mandávanos traer unha prenda que teñamos pola casa ao cole. Velaí vai o resultado.
Este é o título do conto co que comezamos a motivar ás crianzas para o Día da Paz. Realmente na nosa escola procuramos que tódolos días sexan o día da paz, pero este día o lembramos con máis forza.
Para comezar a traballar sobre o tema comezamos coa narración do conto “Unha manchea de bicos” que fala dunha nena que ten o seu peto cheo de bicos que lle da súa nai, e que colle cando se sente triste, con medo… inda que tamén os reparte cos seus compañeiros.
A partir de aquí, entablamos un diálogo cos nenos e nenas e propuxemos facer unha caixa dos bicos que imos ter na aula para repartirlos cando alguén o necesite ou o mereza.
Unha vez feita a caixa, só tiñamos que enchela de moitos bicos para repartir e mirade o ben que o pasamos pintándonos os beizos e rapartindo bicos a tódolas compañeiras e compañeiros…
Unha vez que xa estaban todos emocionados co tema dos bicos, da amizade e dos valores, propuxemos ás familias que para festexar o día da paz lles mandaran aos seus fillos e fillas traer á escola mensaxes que transmitan valores de paz.
A participación foi masiva, todos colaboraron, ao día seguinte as nenas e nenos chegaron á escola cun globo e unha mensaxe escrita nel. As limos en voz alta e decidimos tirar os globos pola fiestra para que os veciños de Oia que se toparan con eles tamén as puideran ler. 
DENDE A ESCOLA INFANTIL DE OIA, ESPERAMOS QUE ESTAS MENSAXES CHEGARAN A MOITOS FOGARES DA VILA.
Na escola de Oia para festexar este día tan especial fixemos pombas brancas coas nosas mans, démonos moitos bicos cos beizos pintados e pedímoslle as familias que escribisen nun globo branco unha mensaxe de paz. Despois con eses globos xogamos, saltamos e pasámolo moi ben!!
Grazas pola vosa colaboración
Ero xa ten 2 anos!! O día 17 de xaneiro estivo de aniversario e para celebralo trouxo un gran roscón, soprou as velas e fixemos unha festa por todo o alto. MOITAS FELICIDADES ERO!
Na escola infantil de Oia, o mes de decembro, estivo cheo de grandes acontecementos. A mediados de mes, o día 19, estivo de aniversario Aarón e para festexalo fixemos unha gran festa. PARABÉNS AARÓN!!
O pasado día 1 de decembro celebramos o primeiro aniversario de Víctor e Andrés. Pasámolo xenial, comprobadeo vos mesmos…
O día 27 de novembro, Ainara, festexou o seu primeiro aniversario. Como podedes imaxinar foi todo un acontecemento: puxo a coroa que lle fixo mamá durante o período de adaptación, cantámoslle o cumpreanos feliz, soprou as velas,… FIXEMOS UNHA FESTA POR TODO O ALTO!!
Os mais cativos e cativas quixemos festexar o día dos dereitos dos nenos e nenas, e para iso, fixemos un puzzle con algúns dos dereitos máis representativos: dereito a un nome, a unha nacionalidade, a alimentación, a xogar,…
