Arquivos mensuais: Xaneiro 2011

DESCUBRIMOS OS OBXECTOS: EXPERIENCIAS (1º TRIMESTRE)

Na escola Infantil de Oia gústanos moito emporcarnos, por iso aproveitamos calquera cousa para poñernos ata arriba.

A partir da experimentación e exploración dos distintos obxectos e materiais da vida cotiá as crianzas descobren as súas propiedades: cheiros, texturas, cor, etc. Outro dos aspectos que pretendemos traballar con este tipo de actividades é o desenvolvemento sensorial fundamental nesta etapa educativa.

De seguido, vos ensinamos algunhas das experiencias que se levaron a cabo na escola. Moitas delas de xeito globalizado coas unidades didácticas que se desenvolven e outras planificadas de xeito illado.

EXPERIMENTAMOS CO ACEITE CORPORAL

       

EXPERIMENTAMOS CON FARIÑA: Traballando a unidade didáctica da esfolla (actividade globalizada)

                    

          O resultado…

 

EXPERIMENTAMOS COAS UVAS: Traballando a unidade didáctica da vendima (actividade globalizada). Ademais, de descubrir como cheira unha uva, a que sabe, cal é o seu tacto, etc. descubrimos que coa uva se pode facer unhas bebidas riquísimas: o viño e o zume de uva. Nesta ocasión por motivos obvios centrámonos en catar o zume. Por utra banda tamén descubren e aprenden as costumes da zona onde viven:

         

EXPERIMENTAMOS COAS CABAZAS DE SAMAÍN: Esta actividade tamén estaría globalizada coa unidade didáctica do Samaín. Ademais de descubrir as texturas, cheiros e sabor das cabazas nesta ocasión tamén imos traballar a psicomotricidade fina xa que despois de baleirar as cabazas as crianzas terán que separar a carne das pepitas, e para iso hai que ter a pinza exercitada!

           

EXPERIMENTAMOS COAS CASTAÑAS. Esta actividade está inserida nas actividades programadas para traballar o magosto. Aos nosos nenos gústalles coñecer a fondo a materia prima coa que van traballar, mirade que ben o pasan!

         

EXPERIMENTAMOS CON FOLLAS SECAS: Dentro das actividades programadas para traballar o outono, unha delas era experimentar con follas secas. A partir desta actividade ademais de percibir as cores do outono: marrón, vermello, amarelo, laranxa, etc. de percibir os cheiros das follas secas, os sons que fan as follas secas ao pisalas tamén van asimilando as caractaerísticas do outono:

      

EXPERIMENTAMOS DE NOVO COA FARIÑA: Ao grupo de 1 -2 gustoulles tanto a actividade coa fariña, que repetimos experiencia. Pero esta vez, sen elaboración de produto final. O obxectivo principal desta actividade ademais de percibir as sensación que a fariño produce en todo o corpo é: EMPORCARNOS:

         

EXPERIMENTAMOS CON PAPEL: O grupo dos maiores levaou a cabo este obradoiro de papel onde tiveron a oportunidade de manipular e explorar con distintos tipos de papel. O pasaron en grande!

            

QUEN O PASA MELLOR, OS NENOS E NENAS OU A PROFE SONIA?

EXPERIMENTAMOS CON CHOCOLATE. Ademais de emporcarnos, en Oia somos moi larpeiros, asique non íamos deixar pasar unha boa sesión de chocolaterapia. O chocolate desprende sensacións por todas partes: o seu olor, o seu sabor, a súa textura, a súa cor impregnando todo. Foi unha experiencia moi bonita.

         

MMM QUE RICO!!

EXPERIMENTAMOS CON POLVORÓNS. Esta actividade está insirida nas actividades propostas par traballar o Nadal. Os polovoróns nos ofrecen múltiples posibilidades de experimentar cos sabores, xa que é un mesmo doce, pero con sabores distintas. Aos nenos e nenas gostoulles moito, a pena que tiveron foi cando se comeron todos e non quedaban máis!

     

ESPERAMOS QUE VOS GUSTASEN TODAS ESTAS ACTIVIDADES. A ELES LLES GUSTARON MOITO!

ACTIVIDADES DE NADAL NA ESCOLA INFANTIL DE OIA

Na escola Infantil de Oia non perdemos ocasión de celebrar unha festa. E o Nadal non ía ser menos. O persoal da escola puxémonos mans á obra para preparar un montón de actividades divertidas para as crianzas e familias. Despois de decorar a escola coa axuda das familias e de que a carteira dos Reis Magos viñera a recoller as cartas e de paso amosarnos a súa moto co seu casco.

O primeiro que fixemos foi escribir a carta aos Reis Magos para darlla á súa carteira. Deunos moito traballo decirnos xa que nas revistas había moitos xoguetes!!

              

Despois, fixemos uns adornos en barro chulísimos que levamos para casa, mirade que cousa bonita!!

             

Ademais, na escola tivemos moitísima sorte, xa que tivemos visitas sorprendentes!!

PAPÁ E MAMÁ NOEL. Nesta ocasión as crianzas non choraron nada de nada xa que antes de levar a cabo esta visita os preparamos a través da manipulación da perruca e da barba de Papá Noel.

                 

Pero non só nos visitou Papá e Mamá Noel, noooo! Sabedes os Reis Magos viñeron cos seus paxes dende Oriente a visitarnos!!

        

Sen ningunha dúbida este Nadal foi moi especial para as nenas e os nenos da escola infantil de Oia, pasaron cousas asombrosas e incluso máxicas.

Moitas grazas a tódalas familias pola vosa colaboración!