Días atrás, os pequechos, estivemos aprendendo as partes do corpo e como remate final, as profes propuxéronnos facer unha actividade DIVERTIDÍSIMA!!
Tiñamos que pintar e masaxear cada parte do noso corpo: as mans, os pes, os brazos, as pernas, as costas d@s compañeir@s,… Ademais tamén aproveitamos para saborear o chocolate que estaba boísimo e a pel quedounos tersa e hidratada como a dun bebé…
Mirade que ben o pasamos…
Xiana festexou o seu terceiro aniversario dunha maneira moi especial. Sofía, a súa mamá, preparounos unha torta en forma de libro, xa que estabamos traballando a semana da prensa e, ademais, regaloulle a escola un conto moi grande…
Moitas grazas e Feliz Aniversario!!
Miro, un dos nosos cativos, xa se fixo todo un homiño. O pasado día 4 de marzo, cumpriu 1 ano e celebrouno con todos os seus compañeir@s por todo o alto: bailaron, xogaron cos globos, sopraron a vela,…
PARABÉNS MIRO!!!!
O día 9 de febreiro Jimena festexou o seu terceiro aniversario. Por este motivo fixemos unha festa con todas as crianzas na que non faltou a música, os globos e unha deliciosa rosca.
O luns de entroido as crianzas viñeron disfrazadas con roupa que temos pola casa e o martes cada un disfrazouse libremente e xuntámonos cunha morea de disfraces diferentes: paiasos, chinos, reis, xoaniñas,…Estabamos tod@s guapísim@os!!
Para festexar o entroido este ano escollemos a temática do conto “O frautista de Hamelin”. como xa viñamos facendo anos anteriores quixemos compartir esta festa c@s nos@s familiares e compañeir@os de cole dos maiores, e polo tanto fixemos un pasarrúas con eles. Mirade que guapos iamos…
Os máis cativos para introducir a actividade do entroido fixemos un meco. Cada día este mandávanos traer unha prenda que teñamos pola casa ao cole. Velaí vai o resultado.
