Arquivos mensuais: Febreiro 2010

OBRADOIRO DE ORELLAS DE ENTROIDO

Con motivo da chegada do entroido aproveitamos para enseñarlle aos nenos e nenas da escola algunhas das tradicións relacionadas con esta festa. Unha delas, e a que máis nos gusta son os postres, mmmmmm!!! Por iso, decidimos levar a cabo un obradoiro de ORELLAS DE ENTROIDO. Lles pedimos axuda ás familias e moi gustosas Beni e Marisa se ofreceron para axudarnos.

A través de este obradoiro tamén pretendemos que as crianzas experimenten e perciban sensacións cos ingredientes cos que se elaboran as orellas. Así pois, poderán percibir por si mesmos aspectos como: un pouquiño, unha culleradiña, salgado e doce, etc.

Estas que son as fotos que recollen ese momento e mirade o ben que o pasamos.

Mirade … este foi o resultado

E ben boas que estaban que non duraron nadiña…

“Unha manchea de bicos”

Este é o título do conto co que comezamos a motivar ás crianzas para o Día da Paz. Realmente na nosa escola procuramos que tódolos días sexan o día da paz, pero este día o lembramos con  máis forza.

Para comezar a traballar sobre o tema comezamos coa narración do conto “Unha manchea de bicos” que fala dunha nena que ten o seu peto cheo de bicos que lle da súa nai, e que colle cando se sente triste, con medo… inda que tamén os reparte cos seus compañeiros.

A partir de aquí, entablamos un diálogo cos nenos e nenas e propuxemos facer unha caixa dos bicos que imos ter na aula para repartirlos cando alguén o necesite ou o mereza.

Unha vez feita a caixa, só tiñamos que enchela de moitos bicos para repartir e mirade o ben que o pasamos pintándonos os beizos e rapartindo bicos a tódolas compañeiras e compañeiros…

 Unha vez que xa estaban todos emocionados co tema dos bicos, da amizade e dos valores, propuxemos ás familias que para festexar o día da paz lles mandaran aos seus fillos e fillas traer á escola mensaxes que transmitan valores de paz.

A participación foi masiva, todos colaboraron, ao día seguinte as nenas e nenos chegaron á escola cun globo e unha mensaxe escrita nel. As limos en voz alta e decidimos tirar os globos pola fiestra para que os veciños de Oia que se toparan con eles tamén as puideran ler.

DENDE A ESCOLA INFANTIL DE OIA, ESPERAMOS QUE ESTAS MENSAXES CHEGARAN A MOITOS FOGARES DA VILA.

PARABÉNS NOA E DIEGO

Durante o mes de xaneiro Noa e Diego celebraron os seus aniversarios. Son os maiores da escola e cada día nolo demostran coas súas aprendizaxes, o seu interese e a maior autonomía persoal que van acadando.

Para celebrar os seus aniversarios convidáronnos a comer unha torta que estaba boísima, despois rompimos unha piñata e despois… A BALIAR!!! ao son de Pelo Gato 24 que tanto lles gusta.

Queredes ver as fotos deses momentos?

Noa e Diego compartiron moitísmos momentos con nós e a verdade é que temos moita sorte de telos na escola, queredes ver como foron os seus comezos?

Miña nai querida!!! canto creceron estes meniños!! Unha aperta repaces esperamos que sigades sendo sempre así.

DÍA DA PAZ

Na escola de Oia para festexar este día tan especial fixemos pombas brancas coas nosas mans, démonos moitos bicos cos beizos pintados e pedímoslle as familias que escribisen nun globo branco unha mensaxe de paz. Despois con eses globos xogamos, saltamos e pasámolo moi ben!!

Grazas pola vosa colaboración