Arquivos mensuais: Novembro 2008

DÍA INTERNACIONAL DOS DEREITOS DA INFANCIA

Hoxe na nosa galescola celebramos o Día Internacional dos Dereitos da Infancia. Para conmemorar tal evento construimos un monumento con material de refugallo (caixas, fotografías, recortes,…) onde cada peza representa un dos dereitos dos/as nenos/as. Despois dun pequeno coloquio sobre o tema na asemblea, puxémonos mans a obra. Entre todas as crianzas decoramos cada caixa con motivos, debuxos e fotografías que ilustran cada un dos dereitos.

 

 

Aproveitando a mañá soleada que tiñamos en Oia saimos ao patio para facer a posta en común.

O LIBRO VIAXEIRO

Debido ao grande éxito do ano pasado decidimos volver a poñer en marcha a proposta educativa do “Libro viaxeiro”. Coincidindo co nacemento de varios/as irmáns/irmás na aula dos/as maiores o titulamos: PRESÉNTOVOS A MIÑA FAMILIA!!!. Pretendemos que cada un/unha dos/as nenos/as nos presente a súa familia plasmando de xeito atractivo e orixinal a aqueles membros cos que teña mais relación, contacto, afinidade,… a través de fotos, debuxos, composicións, collaxes,… Mostrámosvos os primeiros resultados: