Arquivos mensuais: Marzo 2008

DIA MUNDIAL DO TEATRO

Con motivo da celebración do Día Mundial do Teatro, o 27 de marzo, na Escola Infantil de Oia leváronse a cabo unha serie de actividades nas que as crianzas foron as principais protagonistas. Partindo do conto dos Tres porquiños os nenos e nenas:

  • visionamos o conto no PC,

          IMG_4880.JPG

  • confeccionamos as marionetas,

          IMG_4882.JPG

  • elaboramos por recantos as tres casiñas con diferentes materiais,

  IMG_5150.JPG IMG_5141.JPG IMG_5132.JPG

  • dialogamos sobre as normas de comportamento nos teatros

         IMG_5152.JPG

  • e participamos no transcurso da obra no teatrillo da escola.

  IMG_5155.JPG IMG_5164.JPG IMG_5178.JPG

XIANA XA TEN UN ANO!

Estamos moi contentas porque Xiana ademais de festexar con nós o seu primerio aniversario, comezou a gatear.

A súa nai colaborou facendo unha orixinal torta con froitas en forma de cara, xa que sabía que estabamos a traballar o corpo. Moitas grazas Sofía!

                          CUMPRE XIANA.JPG

A celebración non rematou aí; cantamos e bailamos ata que xa non puidemos máis. Parabéns Xiana!

DÍA DA ÁRBORE

O primeiro día de primavera no hemisferio norte e primeiro día de outono no hemisferio sur, celébrase o Día Forestal Mundial. Dédicase a realzar a importancia das árbores e bosques de todo o planeta que, silenciosamente pero de maneira vital, contribúen co desenvolvemento de todas as especies, fundamentalmente do ser humano. Os bosques provennos de bens, producen osíxeno para que poidan respirar os seres vivos, nutren o chan, purifican o aire,… son decididamente vitales para todo o ecosistema do noso planeta.
Como na nosa galescola aínda non se pode plantar árbores, decidimos facer entre todos/as, a aula dos caracois xunto coa aula dos vermes, unha bonita árbore con materiais naturais. Os/as nenos/as apreciaron as texturas da codia e das follas e disfrutaron do traballo en grupo. A volta das vacacións plantaremos unhas semillas e estaremos moi atentos/as a súa evolución: regalas, poñelas ao sol, observar cando lle sae a primeira folla, canto medra, etc. 

DÍA DA ÁRBORE.JPG                 DÍA DA ÁRBORE (9).JPG

DÍA DA AUGA

 A Asemblea Xeral da ONU declarou o Ano 2008, Ano Internacional do Saneamento. Polo tanto, o Día Mundial da Auga 2008, que se celebrou este ano o xoves 20 de marzo, fixo énfasis nas cuestións relacionadas co saneamento.

Nós, dende a escola, queremos contribuír tamén a concienciar aos/ás nosos/as alumnos/as da importancia que ten coidar a auga. Falamos na asemblea da mellor maneira de conservala, dos seus diferentes estadíos, do seu sabor e cor e da súa utilidade (regar, beber, lavar, etc.).

O seguinte foi un traballo por recantos, onde os/as nenos/as experimentaron, manipularon e gozaron coa auga. Ao final dos obradoiros non tiramos a auga, botámola nos caldeiros da limpeza para utilizala para limpar o chan.

Nun recanto puxemos auga fría, morna e xeo; os/as nenos/as metían as súas mans e contábanos que sentían:

IMG_5090.JPG  

Noutro recanto probaron a facer burbullas:

IMG_5073.JPG

Na mesa de auga investigamos con diferentes materiais e descubrimos que algúns flotan, como a esponxa e a madeira, e outros afúndense, como as pedras e a plastilina:

IMG_5084.JPG

E gozamos dun conto interactivo sobre o ciclo da auga:

IMG_5097.JPG

 O EXPERIMENTO

A auga é transparente pero nós podemos darlle cor. Neste caso con papel crespón de cor azul, os/as nenos/as quedaron abraiados/as vendo a trasformación que sufría a auga en canto lle botabamos os anacos de papel.

  IMG_5110.JPG IMG_5111.JPG IMG_5106.JPG

SEMANA DA PRENSA

Do 13 ao 17 de Marzo celebrouse a Semana da Prensa na nosa escola. Aínda que estamos de cheo coa chegada da primavera fixemos un oco para organizar cos/coas nosos/as nenos/as actividades relacionadas coa prensa escrita. Marcámonos como obxectivos principais que as crianzas tivesen un primeiro contacto co xornal, que o manipulasen e que diferenciasen as distintas seccións que o conforman: noticias, anuncios, fotos,…

semana da prensa (30).JPG semana da prensa (24).JPG semana da prensa (3).JPG

Tamén trouxeron da casa unha nova que comentamos entre todos/as na asemblea, fixemos un xornal xigante con todas as noticias recollidas e, por último, disfrutamos da historia duns/dunhas nenos/as que van mercar un xornal a un kiosco, contada polas educadoras e por eles/as mesmos/as no teatrillo da escola.

  IMG_4991.JPG  IMG_4984.JPG  IMG_5011.JPG

A caixa dos botes

Ás veces non fai falta ter moitos xoguetes para que os/as nenos/as se divirtan e aprendan, ademais de descubrir unha morea de cousas novas. Aquí na galescola témolo claro, e como tamén queremos que aprendan a utilizar os materiais de refugallo, fixemos unha caixa onde imos gardando todos os botes que atopamos pola casa ou na escola: botes grandes, con tapa, con rosca,…            

                         xogando con botes (8).JPG

Sesión 4: Que vexo?

Os tubos de papel hixiénico servíronnos esta vez para construir uns anteollos para descubrir un mundo de cores.

                              SENSION 4 VISTA (11).JPG

Pero as crianzas atoparon outro xeito de xogar co novo material. Fixérono rodar, metérono na boca, xogaron as espadas,…,en fin, deixamos que xogaran coa súa imaxinación. 

      SENSION 4 VISTA (8).JPG             SENSION 4 VISTA (27).JPG    

O mesmo pasou cando lle tocou o turno as follas de cores de papel transparente.

                                SENSION 4 VISTA (34).JPG

DESCUBRINDO O NOSO CORPO II

 A boneca

Seguimos xogando e aprendendo co noso corpo. E ademais a nosa boneca xa ten nome. Chámase Maruxa e xa é unha compañeira máis de xogos: 

                                  DSCF5759.JPG

  Entre todos/as estámola deixando moi guapa!

  A CARA (41).JPG       DSCF5776.JPG         MARUXA.JPG

  A boca               O nariz e as pestanas     Os zapatos

Cremos que a actividade non remata aquí. Maruxa vainos servir de eixo motivador doutras experiencias máis. A nosa proposta é que sexa outra “escusa” para levar a escola á casa, ou que a casa veña á escola. A idea é que cada neno/a a leve unha fin de semana e que logo, a través da axenda diaria, ou eles/as mesmos/as, nos conten que fixeron con Maruxa (se a levaron ao parque, se durmiron con ela, se a peitearon,…). Que vos parece?

Os títeres

O conto de Carapuchiña vermella é ideal para traballar as partes da cara, ademais de ser un clásico de moita acollida entre os/as máis cativos/as, sobretodo, se o contamos cun monicreque. A capacidade de atención foi exemplar!

                                    CAPARUCHIÑA VERMELLA (3).JPG

A cara

Este “panel da cara” é unha ferramenta moi sinxela de facer e sérvenos como recurso para traballar durante todo o curso. As caras que fixeron os/as nenos/as foron moi graciosas: ollos tortos, bocas na fronte,… Temos que seguir traballando pero estamos no bo camiño.

  A CARA (22).JPG                      A CARA (28).JPG

As fotos

Ter as fotos pola aula provoca moita curiosidade aos/ás nenos/as.

                                 FOTOS NO CHAN (2).JPG  

                                               Quen é este/a?

A silueta  

Logo de facer a silueta, traballamos con diferentes materiais e técnicas para completar o debuxo do noso corpo. A verdade é que traballamos moito.

                                     DSCF5767.JPG

O traballo está sendo moi productivo e observamos os progresos que van facendo os/as nenos/as. Dende que comezamos a actividade observamos situacións na aula que nos provocan o sorriso e nos confirman que as aprendizaxes estanse interiorizando. Por exemplo, é moi habitual velos/as tocándose os ollos entre eles/as ou cando están xogando cos peluches nomear e tocar as partes de corpo.

SESIÓN 3: Umm! Que rico!

Na sesión de hoxe fixemos fincapé nos sabores das froitas que lles presentamos aos/ás nenos/as. Case todas coñecidas por eles/as: a mazá, o plátano, a ameixa, a pera e, para rematar, fixemos zume de laranxa.

Tivemos moita sorte de contar no obradoiro cun estupendísimo postre con peras feito, de xeito moi orixinal, pola nai de Xiana. 

O primerio que fixemos foi falar na asemblea do bo que é comer froita. Logo, mostramos láminas onde saían as súas imaxes. Tamén as tocaron e as uliron e, por último, deron boa conta delas. Aínda que algunhas froitas non tiveron o mesmo éxito, todos/as nenos/as quixeron probar parte delas.

DSCF5687.JPG     SESIÓN 3 O GUSTO (16).JPG     SESIÓN 3 O GUSTO (25).JPG

Por certo, o zume debía de estar boísimo porque Xoán aproveitou ata o do espremedor.