Arquivos mensuais: Novembro 2007

TEMPO DE NADAL

Achegándose o tempo de festexar o Nadal, queremos facilitarvos unha serie de propostas para desenvolver na escola coas vosas crianzas:

IMAXES PARA COLOREAR        

Aproveitamos estas datas para facer obradoiros de colorear que tanto lle gustan aos nenos e ás nenas.

Elixide o voso premendo aquí: IMAXES PARA COLOREAR.doc

CONTOS DE NADAL

Os relatos e os contos son o fío conductor de moitas das actividades da escola e no Nadal tampouco poden faltar:

tente e mailo ndal1.jpg

GUSTI e ALCÁNTARA, R.: Tento e mailo Nadal. Editorial Edelvives, 2001.

bolefeste.jpg

CARREIRO, P.: Os Bolechas festexan o Nadal. Editorial A Nosa Terra, Vigo, 2006.

images 2.jpg

ABRIL, P.: ¿Sodes vós os Reis Magos?. Editorial Galaxia, 1998.

images 1.jpg

QUESADA, M. e PEROZO, J. A.: Noite de Reis en Kalpankalá. Editorial Everest, 2006.

images.jpg

MELGAR, H. e CASALDERREY, F.: Derradeira carta ós Reis Magos. Editorial Xerais, 2002.

images 5.jpg

ANDERSEN, H. C.: A vendedora de mistos. Editorial Kalandraka, 1999.

nadal.jpg

GARDELLA, M. A.e POCH, J. A.: O cazador. Editorial Galaxia, 1992.

PANXOLIÑAS PARA ESCOITAR E CANTAR

Cancións de Nadal, de hoxe e de sempre, para acompañarnos na aula. Nestas páxinas atoparedes algunhas das máis representativas:

http://vello.vieiros.com/nadal2001/panxolinhas.html

http://especiais.vieiros.com/nadal2003/panxolinas.php

 

http://www.culturagalega.org/temadia.php?id=3835

http://vello.vieiros.com/nadal97/panxolinnas.html

 

http://www.geocities.com/lendas.geo/villancico/midis.htm

http://www.guiainfantil.com/servicios/musica/villan/indice.htm

ADORNOS DE NADAL

Estas son algunhas das nosas propostas, todas elas moi sinxelas de facer coas crianzas, para traballar o Nadal dende a escola.

Grilandas

P1000330.JPG          P1000335.JPG

Móbiles

  P1000344.JPG          P1000328.JPG

Árbore de Nadal e Belén

P1000143.JPG       P1000134.JPG

Tarxetas

P1000159.JPG         tarxetas de nadal.jpg

Adornos de parede

P1000329.JPG      P1000333.JPG

Mural

P1000087.JPG

 

 

CELEBRANDO O NADAL

Con motivo da chegada do Nadal, os Concellos da zona comezan a ofertar diversas actividades para nenos/as e adultos que servirán de entretemento e diversión: 

A Concellaría de Cultura, Educación e Participación Veciñal pon en marcha o programa “Divírtete no Nadal”. 

A programación, que se desenrolará nos cascos urbáns de Goián e Tomiño, consta de dúas partes: unha pensada para as familias, con exhibicións de baile, concertos de música, maxia, títeres e teatro; e outra pensada para os máis cativos/as que inclúe obradoiros (elaboración de gorros e adornos do Nadal, globoflexia, maquillaxe, redacción de cartas para os Reis Magos); xogos (sogatira, paracaídas, rá, diábolo, carreira de sacos); animación de rúa (Papá Noel, zancos, duendes do Nadal, carteiros reais, paxes, Reis Magos) e espectáculos varios (bonecos de neve, LLila e Paspallás, Rei Midas, etc), que rematarán coa tradicional Cabalgata de Reis o próximo 5 de xaneiro.

divirtetenadal.jpg

 Curso de elaboración de adornos de Nadal no Rosal 

O concello do Rosal desenvolverá, os sábados 15 e 22 de decembro, un curso de elaboración de adornos de Nadal, destinado a nenos/as e adultos, polo que poderán asistir pais, nais e fillos/as xuntos. 

O curso desenvolverase en horario de 10h00 a 13h00 no Centro Polivalente do Rosal, sempre que se acade un número mínimo de participantes e terá un custe de 5 euros por persoa.

21 DE NOVEMBRO – DÍA MUNDIAL DA TELEVISIÓN

A Asemblea Xeral de Nacións Unidas proclamou Día Mundial da Televisión o 21 de novembro, en conmemoración da data en que se celebrou en 1996 o primeiro Foro Mundial de Televisión nas Nacións Unidas.

tele 6.jpg
É indubidable que a televisión é o medio de comunicación que máis forza ten actualmente no mundo a pesar do pulo das novas tecnoloxías. A finalidade deste día mundial é, como indica Nacións Unidas, promover unha televisión que, ademais de entreter, promova unha cultura de paz, seguridade e desenvolvemento. Pero, quizais, a situación actual das televisións de todo o mundo, en especial nos países do Norte, non se achegue moito a estas aspiracións.
Familiares e educadores/as deben reclamar das televisións un entretemento intelixente e unha programación de calidade. Como espectadores/as temos a posibilidade de votar a diario co mando a distancia contra programas que son un obstáculo contra a cultura, que desinforman, que atentan contra os dereitos fundamentais. TV si, pero dende a altura decente dos ollos dos nenos e nenas.


Actividades para fomentar unha televisión educativa e de calidade:
 

 

  • Asemblea: a televisión e as súas alternativas.
  • Establecer un día sen televisión: que os alumnos e alumnas aprendan como vivía a xeración dos seus avós e avoas sen este medio e que actividades de ocio alternativas se poden establecer.
  • Coñecer os diferentes programas de televisión que existen.
  • Construír unha televisión con material de refugallo entre todos/as os/as alumnos/as.
  • Dar noticias sinxelas pola televisión (aniversario de Mickey Mouse, Día dos Dereitos do Neno, …).
  • Coñecer os trazos máis importantes da historia da televisión.
  • Asemblea: a televisión e as súas alternativas.
  • Debuxar algunha imaxe ou acción do programa de televisión que máis nos gusta.
  • Dramatización sobre as recomendacións e normas que debemos seguir para mirar a televisión (distancia, volumen, posturas,…).
  • Folleto informativo para levar a casa sobre as recomendacións que traballamos na aula e as consecuencias dun mal uso.
  • Contamos o conto “Os Bolechas. A televisión”.
  • Mural colectivo “Mírame ben”, sobre como facer un bo uso da tele.
  • Mirar un rato a televisión (diferenciar os anuncios dos programas).
  • Presentar outros medios de comunicación.
  • Visita do experto: charla aos pais e nais sobre o bo uso do medio de comunicación.

Día Universal dos Dereitos da Infancia

En 1956, a Asemblea Xeral de Nacións Unidas recomendou que se instituíse en todos os países un Día Universal da Infancia, que se consagraría á fraternidade e á comprensión entre os nenos e as nenas do mundo enteiro e se destinaría a actividades propias para promover o benestar dos nenos e nenas do mundo. 

O 20 de novembro conmemórase a data en que a Asemblea Xeral aprobou a Declaración sobre os Dereitos do Neno en 1959 e a Convención sobre os Dereitos do Neno en 1989. Por iso, o 20 de novembro pasou a ser o Día Universal dos Nenos e as Nenas.

Para coñecer os dereitos dos nenos e das nenas premer aquí:

http://www.rayuela.org

Para saber máis premer aquí:

http://www.unicef.org/spanish/

http://www.me.gov.ar/efeme/diadelninio/20noviembre.html

http://www.educacioninicial.com/ei/areas/calendario/index.asp

 

As nosas cancións

As rutinas son unha parte moi importante da actividade diaria da aula. As pequenas cancións ou retahílas sinxelas axudan aos/ás nenos/as a facilitar a súa aprendizaxe e converten a actividade en algo agradable e divertido.

Estas son as que coñecemos nós:

CANCIÓN DO SAÚDO.WAV

CANCIÓN DOS NOMES.WAV

CANCIÓN PARA RECOLLER.WAV

CANCIÓN PARA FACER A FILA.WAV

CANCIÓN PARA COMER.WAV

CANCIÓN PARA LAVAR OS DENTES.WAV

16 DE NOVEMBRO – DÍA INTERNACIONAL DA TOLERANCIA

O Día Internacional para a Tolerancia concentra a atención do mundo na tolerancia como condición imprescindible para a paz, a democracia e o desenvolvemento sostible.
A tolerancia consiste no respecto, a aceptación e o aprecio da rica diversidade das culturas do noso mundo, das nosas formas de expresión e medios de ser humanos. Foméntana o coñecemento, a actitude de apertura, a comunicación e a liberdade de pensamento, de conciencia e de relixión. A tolerancia consiste na harmonía na diferenza. Non só é un deber moral, senón ademais unha esixencia política e xurídica.
O Día Internacional da Tolerancia pode ser unha ocasión anual da educación para a tolerancia, así como de reflexión e debates sociais e políticos de maior alcance sobre os problemas de intolerancia locais e mundiais.
A UNESCO propón dez ideas para a celebración do Día Internacional da Tolerancia: 

1. Diversidade na comunidade.
2. Dereitos humanos.
3. Programa individual de tolerancia.
4. Non á violencia.
5. Diversidade ecolóxica e diversidade humana.
6. Tolerancia relixiosa.
7. Actualidades.
8. Deportes e tolerancia.
9. Creatividade no traballo.
10. Vínculos internacionais.

Nós dende a escola fomentaremos a tolerancia a través do traballo en equipo con diversas actividades:

– Compartimos xogos e xoguetes.

– Facemos un debuxo para regalar a un/unha compañeiro/a.

– Xogamos aos bicos e apertas entre nós.

– Incluímos a todas as crianzas nas actividades.

– Realizamos un mural da Tolerancia.

– Falamos na asamblea diaria das actitudes de respecto cara aos demais.

– Buscamos noticias nos medios de comunicación sobre accións negativas e positivas.

– Traballamos hábitos de cortesía na linguaxe e na acción.

– Observamos imaxes relacionadas coa tolerancia e a intolerancia.

– Clasificamos as imaxes en positivas e negativas.

– Aprendemos danzas e bailes sinxelos de distintas partes do mundo.

– Practicamos deportes de grupo.

– Escoitamos músicas  de diferentes culturas.

– Realizamos un Obradoiro de cociña multicultural.

– Organizamos unha visita á aula dun pai o nai doutra nacionalidade.

– Preparamos a visita dun experto membro dunha O.N.G. que nos fale da súa labor humanitaria.

Para máis información: http://aulaintercultural.org/

ESPECTÁCULO INFANTIL EN TUI

Os nenos de 3 a 6 a seis anos son os principais destinatarios da obra de teatro de monicreques “El Elefantito” que este venres chega a Tui da man da compañía madrileña “La Canica”. 

“El Elefantito”, baseada nun conto de Kipling, xoga coa manipulación de obxectos domésticos coma pinzas da roupa, luvas, plumeiros ou almofadóns, para construir os distintos animais que protagonizan esta historia e estimular a imaxinación dos/as cativos/as. Tendo en conta a idade á que vai dirixida a obra intercálanse cancións con letras sinxelas e ritmos marcados. 

A obra conta a historia dun pequeno elefante que levado pola súa curiosidade de saber que come o crocodilo emprende unha viaxe que o leva a coñecer un mundo ata entón descoñecido para el. 

 Lugar: Teatro Municipal, r/Colón nº2 Tui. 

Data: Venres 9 de novembro  ás 20.00h. 

Prezo: 2,5€ – 2€ con desconto e 1,5€ os menores de 12 anos (retirada de localidades dende ás 16.30h). 

DÍA INTERNACIONAL PARA A ELIMINACIÓN DA VIOLENCIA CONTRA AS MULLERES

Con motivo do Día Internacional para a Eliminación da Violencia contra as Mulleres (25 de Novembro), os concellos colindantes ao de Oia conmemorarán este acontecemento con distintos actos:

  • O Centro de Información á Muller do Concello da Guarda comeza hoxe unhas xornadas de educación para a igualdade que levan por título: “Igualdina, ao outro lado do espello”, dirixidas aos escolares de educación primaria da Guarda. Estas xornadas desenvolveranse até o vindeiro venres día 9 de novembro.
  • O Concello do Rosal para conmemorar o Día Internacional para a Eliminación da Violencia contra as Mulleres ten previsto a instalación dunha lona branca nos arcos da casa do concello xa nas datas anteriores a esta data na que todos/as os/as cidadáns/ás e colectivos poderán expresar de diversos xeitos (frases, poemas, debuxos…) a súa repulsa desta violencia.
  • O Centro de Información á Muller da Guarda organiza un obradoiro de autoestima e crecemento persoal dirixido ás mulleres da Comarca do Baixo Miño. Terá lugar os martes e xoves de 10:30 a 12:00h no centro cultural, previa inscrición no Centro de Información á Muller sito na Praza do Reló (ao lado do Xulgado de Paz) ou chamando ao número de teléfono 986614648. Prazo de inscrición dende o día 5 ao 12 de novembro.
  • O Centro de Información á Muller da Guarda, con motivo do Día Internacional contra a Violencia de Xénero, proxectará o filme “Grbavica. O secreto de Esma” gañador do Oso de Ouro do Festival de Berlín. O filme proxectarase o venres, 23 de novembro ás 20:30 horas no Centro Cultural da Guarda.

SEMANA DA CIENCIA 2007

A Semana da Ciencia é un evento anual de carácter europeo coordinado en Galicia pola Consellaría de Innovación e Industria. Todo tipo de entidades, dende universidades a asociacións locais, intentarán amosar á sociedade a importancia da ciencia na vida cotiá, azuzar o pensamento, provocar a curiosidade e divertir ao público. Cafés científicos, teatro, obradoiros, xornadas de portas abertas, exposicións e moitas outras actividades percorrerán a xeografía galega do 5 ao 18 de novembro.Ver máis:

www.semanadaciencia.org

 

Dende a nosa escola acercaremos as nosas crianzas á ciencia con diversas actividades, obradoiros e recantos:

Recanto da ciencia (“Imos investigar”): imáns, embudes, lanternas, contagotas, pesos, lupas, balanzas, pinzas, plastilina, colorantes, papel de lixa, tubos, cintas métricas, tarros de diferentes tamaños,… Todos estes materiais e moitos máis poden espertar a imaxinación e a curiosidade das crianzas:

  • Flotar/afundirse.
  • As capas da terra. Moi doado de facer con plastilina de cores.

                                 tierra.jpg

  • Reloxo solar.
  • Atrapar a luz do sol co espello.
  • Facer flocos de millo.
  • Tintar a auga.
  • Os estados da materia (sólido, líquido e gaseoso).
  • A gravidade (tirar diferentes materiais dende unha altura).
  • Desprazamentos co corpo (subir, baixar, correr, rodar,…).
  • Desprazamentos de diversos materiais (soprando , rodando,…).
  • Transvasar líquidos de recipientes altos e estreitos a recipientes baixos e ancho.
  • Xogos de luces (eclipses, sombra, …).
  • Cal pesa máis? (xogar a pesar materiais na balanza).
  • Manipular diferentes materiais discontinuos (area, auga, barro, pan relado, fariña, plastilina,… )
  • Facer pompas de xabón.
  • Calidoscopio: imáxenes multiplicadas en multitude de coloridos.
  • Caixa de fototropismo: metemos unha planta nunha caixa tapada con un burato; a planta busca a luz cando crece.
  • Facer uns prismáticos con tubos de papel hixiénico e celofán para observar a natureza.
  • Xogar a atopar obxectos coa lupa.
  • Construir muíños de vento.

Recanto da saúde (“Hospital de bonecas”): Para este recanto precisaremos de camas, sabas, maletíns dos médicos, xiringas, toalliñas, cueiros, vendas, contagotas,…

  • Xogar aos médicos cos/coas bonecos/as.

                                   niños.jpg

  • Tomarnos a tensión.
  • Escoitar o corazón.
  • Cambiar os cueiros  e limpar os/as bonecos/as.
  • Pesarnos nunha báscula.
  • Limpar os dentes.
  • Lavar as mans e a cara antes e despois de comer.
  • Facer vendaxes aos/ás bonecos/as.

Rencanto das tecnoloxías (“Inventos máxicos”): Durante todo o curso fomentaremos o manexo das diferentes tecnoloxías (ordenador, televisión, radio, pizarra dixital, cámara de fotos,…).

  •  As crianzas fan fotos en diferentes horas do día na escola e na casa e logo facemos unha exposición fotográfica.
  • Buscar información en Internet sobre cousas que lles interesen ás crianzas.
  • Facer unha cámara de vídeo con  material de refugallo e xogar a grabarse entre eles/as.
  • Grabar as voces dos/as nenos/as e facer unha audición.
  • Grabarnos cunha cámara de vídeo e logo visionamos o film.
  • Construir unha tele con material de refugallo e xogar a dar noticias como no telexornal.
  • Fabricamos flashcards.
  • Visionar pequenos documentais de animais no DVD ou en Internet.
  • Construir un franelograma para representar as secuencias dun conto.
  • Traballar coa pizarra dixital para fomentar a lectoescritura.

                                 pizarra digital.jpg

Obradoiro de reciclaxe: con este obradoiro pretendemos que os/as nenos/as da escola tomen conciencia da importancia do aproveitamento dos materiais de refugallo para contribuir ao coidado do medio ambiente.

  • Pintar tres caixas grandes de cartón para reciclar: azul, amarela e verde.
  • Clasificar os materiais utilizados na aula en plástico, papel e lixo.
  • Construir xoguetes con material de refugallo.
  • Facer papel reciclado para utilizar na aula.
  • Aprender medidas de aforro enérxetico (apagar a luz, pechar a billa mentres lavamos os dentes, ducharse en lugar de bañarse,…).

Obradoiro de cociña: o obxectivo principal será fomentar unha boa alimentación e hábitos saudables.

  • Aprender as cantidades e os ingredientes das comidas.
  • Observar os cambios dos alimentos.
  • Experimentar olores.
  • Esperar os turnos.
  • Elaborar receitas saudables e divertidas para os/as cativos/as (brochetas de froitas, macedonias, ensaladas,….)
  • Pesar os ingredientes.
  • Manipular os alimentos e utensilios axeitados.
  • Recoller e fregar os utensilios.
  • Disfrutar dos alimentos elaborados.