Febreiro foi o mes de celebrar o entroido e a iso adicamos as semanas que acabamos de pasar. Xogamos a disfrazarnos, a pintarnos as caras, con confeti e cintas de cores como se dunha gran festa se tratase…Ademais, seguimos ao pe da letra as mensaxes que nos deixou o Meco na escola e trouxemos algo na cabeza, unha prenda do revés, a cara pintada e ata un mandil. Tivemos duas grandes festas de entroido nas que lucimos os desfraces que as familias confeccionaron nos correspondentes obradoiros e outros que nunca pasan de moda como os de animais, princesas, carapuchiña vermella, etc. Foi un mes moi colorido e con moita música que nós mesmos fixemos cunha batucada con botes e culleres de pao. Aquí vos deixamos unha pequena mostra para que vos fagades unha idea do ben que o pasamos.