Arquivo da categoría: RECURSOS PARA AS NENAS E OS NENOS

Galletas sen glute

Proposta que nos achega a Escola Infantil de Camariñas

Nome: Galletas sen glute

Esta actividade vai dirixida para nenos e nenas de 2-3 ano no que se poñen en xogo moitas das capacidades e habilidades que estimulamos na escola. Lembrade que o importante é o proceso de facer algo en familia, ter un proxecto compartido, non tanto o resultado… aínda que neste caso o resultado é delicioso!

Idade 2-3: anos

Obxectivos:

  • Participar no proceso de elaboración de organización e elaboración e disfrutar con el.

  • Identificar diferentes figuras que elaboraremos coa masa.

  • Desenvolver a súa propia autonomía.

  • Gozar coa manipulación da masa realizada.

  • Aprender a compartir experiencias e cooperar cos demais.

Ingredientes:

  • 125 gr de maicena

  • 100 gr de manteiga

  • 50 gr améndoa moída

  • 40 gr azucre

  • 1 cullerada de aroma de vainilla

  • 1 ovo

Preparación:

1º Bater o ovo nun recipiente, engadir a manteiga e o azucre. Bater cunhas bariñasas eléctricas. Ten que quedar unha masa líquida e homoxénea.

2º Unha vez lista, engade a maicena, fariña de améndoa, volve a bater e verás que pouco a pouco vaise formar unha masa espesa. Unha vez que xa teñamos a masa espesa, seguimos amasándoa coas mans engadíndolle fariña para que non se pegue.

3º Engadimos fariña sobre unha superficie plana e limpa e poñemos aí a masa onde co rodelo, teredes que estirala ata conseguir o grosor desexado.

4º Unha vez teñamos a masa preparada, utiliza os moldes para darlle forma as galletas e cortalas. A medida que se vaian sacando colocaranse nunha bandexa do forno cuberta con papel vexetal.

5º Unha vez rematado, so queda metelas no forno, enfornalas sobre 15 minutos a 180º aproximadamente e listas para comer!!!

Unha vez feitas, podedes engadir fondant de cores, chocolate branco ou negro, vainilla, … Daralle un toque decorativo as galletas ó cal os cativos pequenos e non tan pequenos non se resistirán.



Xogo das apertas

A escola infantil de Cambre A Barcala achégamos un xogo para gozar ao ritmo da música, do movemento, dos agarimos e da cooperación en familia.

Nome: Xogo das Apertas

Idade: 1-3

Obxectivos:

  • Promover a súa motricidade xeral e o ritmo
  • Fomentar a atención e comunicación
  • Gozar da música e as interaccións


Materiais: Música con ritmo e divertida

Desenvolvemento:

Nun espazo un pouco amplo da casa a música sona de fondo. Mentres os membros da familia bailan como queiran. Cando se para as persoas, de dúas en dúas teñen que darse apertas.
A música volve a soar e reiníciase o baile. De novo, interrúmpese e agora as apertas son de tres, a así deste mesmo xeito continua o xogo, ata chegar a unha gran aperta familiar todos xuntiños.

Piruletas de chocolate branco

A escola infantil de Cerdedo-Cotobade-Cerdedo fai unha proposta ben dulce para facer piruletas de chocolate cos larpeiros da casa.

Nome: Piruletas de chocolate branco

Idade: de 1 a 3 anos

Obxetivos:

  • Manipular diferentes texturas coa supervisión dun adulto.
  • Estimular o interese polo traballo en equipo.
  • Traballar a autoestima porque se acada un produto final.
  • Expresar a súa creatividade.

 

Materiais:

  • Chocolate branco.
  • Pébidas de chocolate.
  • Paus de pinchos morunos.

 

Descrición:

  1. Derretiremos o chocolate branco no microondas.

  2. Cando esté derretido, collemos papel de forno e extendemos o chocolate coa figura que se quiera obter.

  3. Ponselle o pau para suxeitalo

  4. Poñemos as pébidas de chocolate para decorar e métese na neveira para enfriar e despois para comer.

Limpamos animais

A escola infantil de Marín Seixo fai a proposta dun xogo para os máis pequenos e pequenas.

Nome: Limpeza de animais

Idade: 1 ano e medio

Obxectivos:

  • Adquirir hábitos de hixiene
  • Valorar o cuidado dos xoguetes e demais obxectos.
  • Aprender a discriminar os obxectos pola súa textura.
  • Desenvolver o sentido do tacto

Materiais que precisamos:

  • Auga
  • Fariña
  • Cacao en polvo
  • Fideos crudos
  • Esponxa
  • Cepillo de dentes…
  • Animais ou similar.

Descrición da actividade:

Nunha bandexa ou recipiente similar botamos auga con fariña, cacao en polvo e fideos para simular barro e palla. Noutra bandexa botamos auga limpa e xabón (opcionalmente podemos votarlle unha gota de colorante alimentario azul a auga). Metemos algúns animais na bandexa do barro e deixamos a disposición dos/as nenos/as para que poidan limpar os animais.

Artistas en tempos de corentena

Proposta enviada pola Escola Infantil de Chantada.

Nome: Artistas en tempos de corentena
Idade: 2-3 anos
Obxectivos:

  • Desfrutar en familia elaborando carautas con material de refugallo.
  • Gozar coa experimentación e creación de obras plásticas.
  • Apreciar as creacións persoais.
  • Mellorar a psicomotricidade fina.
  • Fomentar a creatividade.                                           

Materiais:
Pinturas de varias cores.
Pinceis.
Tesoiras.
Caixas de cartón ou pedazos de cartón.
Pegamento

Desenvolvemento:
Con diferentes cores, deixamos que os nenos e as nenas pinten con total liberdade nos cartóns. Para facelo poden usar pinceis, os dedos, as mans…
Coa axuda dun adulto cunha tesoira, dámoslle forma as carautas, recortamos ollos, bocas, cellas, etc. Deixamos que as peguen como eles queiran. Finalmente colócanse nunha parede.

De que cor é un bico?

Dende a escola infantil de Xinzo de Limia acheganos un conto para os nenos e nenas.

Nome: De que cor é un bico?

Idade: 1-3 anos

 

 

 

 

Obxectivos:

  • Desfrutar coa escoita de contos e obras literarias.
  • Fomentar o pracer por a lectura
  • Descubrir as cores principais
  • Coñecer diversos sentimentos: cariño, amor…

Materiais:

  • Conto en formato papel (tamén o podemos atopar en formato dixital)

Descrición:

Procedemos a lectura do conto; primeiro creamos un ambiente de calma e silencio; podemos ambientar a estancia con unha lámpada que nos aporte luz tenue ou contar o conto ao aire libre, no xardín, na compañía de toda a familia… é moi importante que a persoa que conte o conto coñeza a historia para que o neno desfrute coa escoita do mesmo.

Propostas posteriores ao conto:

Este conto fálanos dunha nena que entre as súas afeccións destaca a pintura. Un día preguntase de que cor será un bico, e fai unha viaxe por as principais cores comparándoas con algo que lle resulta familiar (por exemplo pensa na cor amarela e lembrase dos xirasoles) despois de viaxar por todas as cores pregúntalle a súa nai; esta dille que un bico pode ser de moitas cores. Podemos reflexionar ou deducir que o sentimento de cariño (asociado xeralmente a un bico) está presente co conto.

Posteriormente a lectura podemos traballar coas distintas cores, familiarizándonos con elas e mesmo crear un bote con bicos pintando cada un dunha cor diferente.

Para crear o bote precisamos un bote de cristal e cartolina ou papel onde faremos formas de corazóns (cadaquén pode debuxar os bicos como mellor queira) pintámolos e metémolos dentro do recipiente.

Actividades de música

Nestas idades a adquisición da lingua é moi importante, como tamén o son outro tipo de linguaxes como a corporal, a plástica, a musical,… para enriquecer as posibilidades de expresión e contribuír ó desenvolvemento da competencia comunicativa. Proposta da escola infantil de Cedeira.

Nesta proposta preséntanse algunhas actividades que podemos facer para traballar diferentes aspectos relacionados coa música, os sons, os xestos, a expresión, o movemento,…

Idade: Unha proposta para todas as idades

Obxectivos:

  • Utilizar a linguaxe musical, xestualidade e manifestacións corporais como medio de comunicación e de expresión de ideas e sentimentos.
  • Explorar as posibilidades sonoras do propio corpo, de obxectos cotiáns e de instrumentos musicais.
  • Fomentar o interese e desfrute pola experimentación e creación musical.
  • Apreciar as diferentes cualidades do son así como a oposición son-silencio
  • Favorecer a atención, concentración, memoria auditiva, creatividade, expresión, motricidade, ritmo,…
  • Favorecer o descubrimento a experimentación dos sons co movemento e o ritmo.
  • Fomentar o interese e gozo pola musica tanto a nivel receptivo como produtivo.
  • Desenvolver as capacidades expresiva favorecendo a súas facultades imaxinativas e creativas.

Desenvolvemento:

Podemos utilizar instrumentos musicais feitos na casa ou ben instrumentos reais que podan utilizar os nenos e as nenas.

Agora que os nenos e nenas poden saír a pasear podemos aproveitar os recursos da natureza: pedras, madeiras, cunchas,… que nos servirán para facer música, ademais de coñecer o contorno.

Tamén é importante no plano musical e da expresión utilizar os recursos sonoros que nos ofrece o nos corpo, así traballaremos o ritmo, coñecemento do corpo,…

Facer música co corpo.

Dar palmadas, palmear na barriga, cara, pernas, ruído cos pes,…

Experimentar cos sons da boca: unha vogal larga, outra curta, máis alta, en baixiño, diferentes sons, onomatopeas,…

Xogos son-silencio.

Bailar ó ritmo de diferentes tipos de música e cando pare a música quedarse quedos como estatuas.

O mesmo con diferentes obxectos, instrumentos e elementos do corpo.

Localizar e identificar a fonte sonora.

O adulto agóchase tocando un instrumento e o pequeno ten que atopalo seguindo o son.

Cando a nena ou neno estea familiarizado cos sons de diferentes instrumentos ou materiais poñémonos detrás deles ou tapámoslle os ollos e tocamos un. Elas e eles terán que adiviñar de cal se trata.

Xogo de imitación.

Primeiro os cativos tocan un instrumento ou un obxecto como queira e nós imitámolo. Logo ó revés, eles imítanos a nós mentres tocamos forte-suave, rápido-lento, quedos-en movemento, con diferentes ritmos…

Cantar e bailar cancións de diferentes xeitos: alto-baixo, rápido-lento, con voz grosa- fina,…

Poñer música ós estados de ánimo.

Imaxinamos que estamos moi contentos e tocamos un instrumento neste estado de ánimo e con ese xesto. Logo o mesmo con enfadados, tristes, cansos, divertidos,…

Dramatizar un conto.

Darémoslle valor interpretativo tanto ós sons como á música e axudámonos do movemento e o xesto. Por exemplo: silencio cando algunha personaxe pensa ou está enfadado (e xesto de pensar ou de enfado) e música e movemento para acompañar ás accións (tocamos e andamos lento cando o protagonista vai a modo e rápido cando ten que fuxir).

Xogamos as agochadas: cucú-tras

Desde a Escola Infantil de Narón convídanos a xogar un anaco coas nenas e nenos ás agochadas, animádevos?

Nome da Actividade: Xogamos ás Agochadas: Cucú Trás

Idade á que vai dirixida: A partires dos 4-5 meses en diante

Obxectivos:

  • Favorecer o desenvolvemento cognitivo
  • Mellorar a comunicación e a paciencia
  • Manexar angustias e gañar confianza
  • Fortalecer o vínculo de apego co adulto que está a xogar co neno

Materiais e desenvolvemento:

Nos primeiros tempos en que o meniño é máis pequeniño, non precisamos ningún tipo de obxecto para o xogo. Simplemente imos tapar os nosos ollos coas mans e despois baixalas e voltar a “aparecer”. Cando realizamos este simple xesto para nós, de taparnos os ollos ou a cara coas mans, o neno pensa que desaparecemos e aparecemos cando baixamos as mans.

A medida que van medrando, podemos coller algún obxecto e agochalo baixo un pano, unha saba etc, e destapalo. Incluso podemos saír do sitio onde estamos a xogar e voltar de seguido.

Tamén as cativas e os aprenderán a agocharse e comezarán por tapar a súa cara coas mans ou cun pano, sombreiro etc facéndose así “invisibles” para o adulto. Con este xogo o neno vai na búsqueda do outro e mostrando a alegría de atopalo fortalecendo así a atención compartida, os vínculos e a comunicación. https://www.youtube.com/watch?v=DTLqJ4NxrnE

Queredes xogar xa?

 

Bandexa con cítricos

Dende a escola infantil Vigo Rúa Palencia propoñemos una actividade moi entretida e moi fresquiña para as crianzas máis pequenas.

Nome: bandexa de auga e cítricos

Idade: 0-1

Obxectivos:

  • Estimular os sentidos.
  • Desenvolver a coordinación óculo-manual.

Material:

  • Bandexa
  • Auga
  • Laranxa e limón

Desenvolvemento

Preparamos unha bandexa con auga. Logo cortamos en rodaxas a laranxa e o limón e botámosllos á bandexa.

Como é posible que se molle moito, é aconsellable que a actividade a faga sen roupa, e podedes cubrir toda a zona de xogo con toallas para que empapen a auga que se derrame e non esvaren.

Ofrecémoslla á crianza para que experimente, xogue, manipule, saboree e se divirta!!

Como me sinto

Dende a escola infantil de Ourense Barrocás fan a proposta dun xogo para traballar as emocións.

A proposta que traemos a continuación quere reflexar a importancia que teñen as emocións nos máis pequenos e pequenas. As emocións son o compoñente máis humano das persoas, o que nos fai diferentes ao resto dos animais. A nosa capacidade para sentir fai que aprendamos das nosas experiencias e as vivamos reaccionando dun xeito ou outro.

Nome: Como me sinto

Idade: 2-3 anos

Obxectivos:

  • Recoñecer as diferentes emocións que se mostran e representalas.
  • Favorecer a motricidade fina.
  • Identificar as emocións nos demais.

Materiais:

  • 1 trozo de cartón.
  • 1 botella de auga e 5 tapóns.
  • Rotulador permanente.
  • Ceras de cores.
  • Silicona.

Descrición:
Para a elaboración desta proposta temos que facer un debuxo dunha nena ou neno no cartón. Despois recortamos a parte superior dunha botella de auga deixando un trozo para poder pegalo ao debuxo.
Recolectamos tantas tapas de botellas como emocións queremos traballar e debuxámolas.
Mostrámoslle o material ao neno ou nena para que escolla unha emoción e a enrrosque no debuxo, pedímoslle que a represente, e segundo a súa capacidade que nos conte como se sinte. Axudándolle nós, poñéndolle exemplos das emocións.

A continuación mostramos un exemplo.