A horta na casa

Dende a escola infantil de Cangas Choupana acheganos a horta á casa.

Nome: A horta na casa

Idade: a partir de 18 meses

Obxectivos:

  • Compartir tempo en familia, tanto cultivando como coidando despois a planta.
  • Manipular diferentes materiais naturais: terra, leituga, tomateira.
  • Recoñecer diferentes plantas.
  • Favorecer a coordinación óculo-manual.
  • Potenciar a motricidade fina.

Materiais:

  • Botellas ou garrafas de plástico.
  • Terra.
  • Leitugas, tomateiras… ou outras, como fresas.
  • Tesoiras e/ou cúter.
  • Un vaso.

Descrición:

Esta estación do ano é boa para cultivar alimentos saudables como a leituga, os tomates, as fresas… nos imos aproveitar para plantar unha tomateira e unha leituga, pero vos podedes plantar o que queirades.

1º collemos as garrafas, neste caso, e debuxamos un cadrado na parte superior da botella. Logo recortámolo pola parte inferior e laterais. E por último, subimos a solapa e prendémola cun prendedor.

2º Coa axuda dun vasiño ou coas mans, imos botando a terra na garrafa. Logo presionámola ben e botamos mais se é preciso.

3º Facemos un burato no centro e introducimos a leituga ou a tomateira, cubrimos a raíz coa terra e presionámola un pouco.

4º Por último, botámoslle un pouco de auga e baixamos a solapa.

E listo! Xa temos as nosas plantiñas preparadas e con moito cariño, botarémoslles un pouquiño de auga todos os días e esperaremos a que medren para poder degustalas.

Tamén os deixamos outras opcións…

Cortando as garrafas nun lateral…

ou utilizando botellas e colgándoas

Deixa unha resposta

O teu enderezo electrónico non se publicará Os campos obrigatorios están marcados con *