Proposta da Escola Infantil de Vigo Rúa Palencia.

Hoxe presentámosvos esta actividade ou material para facer cos vosos pequerrechos/as. O slime é un material que lles gusta moito os nenos porque é moi pegañento e viscoso que se pode mover, dar formas e que volva o seu estado inicial, pero este material que se vende nos quioscos é perigoso nestas idades xa que é tóxico, sobre todo neste rango de idade no que os nenos levan todo á boca e non é recomendable para nenos de menos de tres anos, pero non vos preocupedes porque aquí vos propoñemos un slime caseiro no tóxico.

Nome: slime caseiro

Obxectivos:

– Desenvolver a motricidade fina.

– Fomentar a experimentación.

– Explorar diversos materiais.

– Fomentar a concentración.

Material:

– Sementes de chía ou lino

– Auga.

– Colorante alimenticio.

– Recipiente.

– Fariña de millo (maicena).

Idade:

A partir dos 18 meses.

DESCRICIÓN DA ACTIVIDADE:

Para preparar este material debemos facelo con tempo xa que é preciso que repouse. O ideal é facelo dun día para outro. Poñemos un vaso de sementes nun recipiente e agregamos tres vasos de auga. Removemos e aquí podemos mesturarlle o colorante (eu empreguei o colorante alimenticio xa que non tiña outro, pero se tedes liquido tamén podedes empregalo). Despois tapamos esta mestura con film transparente e deixámolo na neveira ata o día seguinte.

Una vez pasado este tempo podemos comprobar que agora as sementes adquiriron una textura xelatinosa así que é o momento de ir engadindo a fariña pouco a pouca ata que colla a consistencia elástica e non se nos pegue ás mans.