Categoría do arquivo: O NIVEL II

11.30.12
por

AS BOTAS-MACETAS DAS CABAZAS

Ola familias!

Xa víchedes o moito que medraron as nosas plantiñas de cabaza que sementamos nas botas da porta?

Pois aquí vos deixamos un resumo do noso traballo e do seu crecemento:

PRIMEIRO BALEIRAMOS UNHA CABAZA.

LOGO RECOLLEMOS AS SEMILLAS QUE TIÑA DENTRO.

DESPOIS PLANTAMOS AS SEMENTES CON MOITO CARIÑO…

…SEN OLVIDARNOS DE REGALAS DIARIAMENTE, porque ós granciños gústalles medrar na terra ben pisada e ben húmida.

E AQUÍ ESTÁ O RESULTADO DO NOSO ESFORZO!

AGORA SÓ TEMOS QUE TER PACIENCIA E ESPERAR A QUE SIGAN MEDRANDO, porque ás plantiñas gústalles sentir que alguén as quere e as agarda.

Ata outra amiguiñ@s!

Nós seguiremos por aquí, entre sementes, plantas, regadeiras e moita terra!!!

11.27.12
por

RELAXÁMONOS COS CHÍCHAROS

A relaxación, sempre que se practique habitualmente, produce nos nenos e nenas unha valoración mais positiva da imaxe que empezan a costruir de si mesmos.

A relaxación infantil presenta nos menores moitos beneficios como é  a diminución da ansiedade, o aumento da capacidade de concentración…e ademais incrementa a súa alegría e espontaneidade.

Neste vídeo que colgamos podedes ver a sesión de relaxación que facemos todos os días antes de ir xantar. A nosa protagonista é a nube; imitando os momentos da canción pasamos do movemento rápido ao lento, ata quedar deitados no chan.

Ao longo deste curso ensinármosvos estratexias e xogos para que o practiquedes na casa e así conseguir optimizar os seus beneficios.

Un saúdo a ate a próxima.

video-3

11.16.12
por

O SAMAÍN COAS CABAZAS E OS CHÍCHAROS

MOUCHOS, CURUXAS, SAPOS E BRUXAS…

Á nosa escola tamén chegou o Samaín o venres pasado, e queredes saber o que fixemos?

Primeiro subimos a ver as cabazas que, con tanto esmero, decoráramos coas familias, e alí cantamos a canción do Samaín.

E logo baixamos á aula onde nos agardaba unha terrorífica sorpresa! Jooo, jooo, jooo!

Como vedes, estamos de celebración en celebración. O venres pasado fixemos a festa das cabazas e este venres a festa das castañas, pero para ver o ben que o pasamos no Magosto, teredes que agardar un pouquiño máis…

Boa fin de semana, familias!

11.09.12
por

AS CABAZAS EN OUTUBRO

Ola a tod@s!

Aquí estamos @s pequenas cabaciñas da sala 3, para agasallarvos cunha pequena mostra do moito que traballamos durante este mes na escola:

Adornamos a Rufo e a Rufa, @s nos@s amiguiñ@s ourizos, con millo e castañas.

Traballamos a psicomotrocidade fina insertando froitos do outono.

Subimos ó recanto do outono para explorar e manipular os elementos que ían aparecendo.

Fixemos cabaciñas de arcilla e logo pintámolas.

Comezamos a traballar no noso proxecto sobre a horta manipulando terra.

E aínda fixemos moitas cousiñas máis, pero sempre con moitas risas e pasándoo moi ben!

Lembrade que todas estas fotiños do mes de outubro as podedes ver tamén, en formato papel, no panel de fotos que está na entrada da escola.

QUE TEÑADES UNHA MOI BOA FIN DE SEMANA E ATA LUNS!

11.09.12
por

OS CHÍCHAROS EN OUTUBRO

Ola familias!

Unha vez superado o período de adaptación, gustaríanos agasallarvos cunha pequena selección de fotos sobre as rutinas e as actividades que fixemos @s pequen@s chícharos da sala 4.

Esperamos que as disfrutedes!

QUE DISFRUTEDES DA FIN DE SEMANA!

10.24.12
por

O OUTONO CHEGA Á CANTEIRA!

OLA FAMILIAS!

O outono xa chegou á nosa escola, así que para velo máis de preto, as cabaciñas e os chícharos do nivel II, saímos a dar unha voltiña polo xardín grande para ver que cousiñas otoñais atopábamos…

ATOPAMOS PIÑAS:

ATOPAMOS COGUMELOS:

ATOPAMOS PERAS E MAZÁS, FOLLAS SECAS E MOITAS COUSIÑAS MÁIS!

ATA OUTRA FAMILIAS E ABRIGÁDEVOS BEN!