Ano novo, centro de interese novo! Ó comezo deste ano traballamos o corpo adaptándoo a cada idade. Aquí tedes unha pequena mostra.

Os máis pequechos, os bebés, comezamos a introducir na nosa rutina as actividades de manipulación e experimentación de substancias con texturas, cores e sabores diferentes. Utilizamos remolacha coa súa cor tan vistosa, fariña de arroz con auga e colorante alimenticio, cenoria relada… Non nos esquecemos, por suposto, o cestiño dos tesouros que nos proporciona tamén texturas, olores…Tamén nos puxemos mans á obra coa motricidade para pronto andar e gatear sen parar.

No nivel II descubrimos novas sensacións coa interacción do corpo con diferentes obxectos: plumas, algodón… e comezamos a traballar o noso esquema corporal ,por exemplo, pintando as nosas siluetas, pintando os beizos…

Tamén os máis grandiños (nivel III) traballamos o esquema corporal, por exemplo, xogando a vestirnos e espirnos, con zapatos de diferentes tamaños (tamén traballamos a autonomía, claro), cancións sobre diferentes partes do corpo… Ademais exploramos as nosas posibilidades e as nosas limitacións con circuítos de motricidade grosa e fina.

PRAZOS:

Renovación de prazas: 9 ao 21 marzo 2011

Prescripción: 22 de marzo 2011 ao 16 de abril de 2011 (ambos os dous inclusive)

Publicación listaxe provisional de admitidos e de agarda: 9 de xuño de 2011, contando con 10 días hábiles de reclamación, que contarán a partir do día seguinte da publicación de tales listaxes.

Publicación listaxe definitiva de admitidos e de agarda: 14 de xullo de 2011

Matrículación: 15 ao 29 de xullo 2011 (ambos os dous inclusive)

Curso escolar 2011 – 2012: O inicio é o 1 de setembro do 2011 e o remate o 31 de agosto de 2012.

• As listaxes provisionais e definitivas poderedelas consultar: no taboleiro de calquera escola infantil pertencente ao Consorcio Galego de Igualdade e Benestar do concello de Oleiros, no propio concello de Oleiros, e tamén en www.igualdadebenestar.org ou www.escolasinfantis.net

pictograma-entroido-20111

Aquí tedes as cancións das aulas. Esperamos que sirvan para que non quede ninguén sen cantar na festa …

(facede dobre click sobre a imaxe para ver a pantalla completa)

No día do neno conmemoramos a aprobación en novembro do ano 1959 da Declaración dos Dereitos do Neno.

Neste curso quixemos involucrar ás familias nesta celebración, invitándoas a participar o día 20 cun conto, cunha canción…e a verdade é que temos uns pais, nais e avós moi artistas!

Agradecemos ás familias que fixeran desta data un día especial na Canteira:

Ana, Ana María e Cristina do nivel I

Ruth e César do nivel II

Ana Belén, Lino, Paula,Carmen,Nuria, Carlos e o avó de Diego do nivel III

Algúns aínda estabamos rematando a adaptación e xa chegou o outono: frío, luvas e bufanda, castañas, follas que caen das árbores… cantas cousas ocorren no outono! E nós dedicámonos a observar todos estes cambios e tamén a explorar o noso contorno.

E como colofón, un Magosto con castañas, follas secas…

Este ano non podería ser máis divertida!

Seremos OS OFICIOS.

A temática parte dos intereses dos nenos e nenas xa que os oficios forman parte da súa realidade próxima. A través dela xurdirán actividades, cancións e personaxes que nos acompañarán durante todo o curso.

Aquí tedes un video explicativo sobre a nosa escola. Se tedes algunha dúbida podedes contactar coa escola a través do seu mail escolainfantilacanteira@gmail.com ou chamando o numero 981977921

Un saúdo do equipo da escola.

video-exposicion-da-1c2ba-xuntanza

Como remate final do centro de interese “OS TRANSPORTES”, os máis maiores da escola disfrutamos coa visita da policía, protección civil e os bombeiros.

Menuda armamos na escola: subimos no coche de policía, tocamos as sirenas, fixemos un circuíto, usamos a mangueira e o casco de bombeiro…