Boas a todos/as:

Outro mes vémonos para que vexades dierentes actividades : con diferentes instrumentos tentamos facer música, o que máis nos gustou foi tocar o tambor, por suposto. Con animais e tacos de madeira xogamos e  fixemos un percorrido moi chulo.

Como xa neste mes algúns amigos/as cumpliron anos, Matilda trouxo cousiñas para compartir e aproveitamos a facer fotos do momento.

Pintamos con remolacha, que nos quedou un mural chulísimo. E nas mesas da aula xogamos a colocar os pinchos nos buratos, e como gústanos pasar follas, puxemos revistas pola aula e estivemos moi entretidos. Por último pegamos gomets no papel da parede.

Estamos a traballar un montón, o próximo ms máis

Un saúdo

Lucía

Comezamos o ano con moita enerxia e preparamos moitas sorpresas que nos agardan na aula todos os días. Xogamos e traballamos moitísimo pintando con remolacha. Fixemos unha plastilina artesanal e xogamos e modelamos con ela. Saíunos moi brandiña e doada de manexar. Tamén tivemos tempo para preparar mini-mundos de animais, instalacións, instrumentos musicais e un longo etcétera.

Esperamos que vos gusten. Un sáudo e ata o mes que ven.

Bos días, familias!

Aquí vos deixamos as últimas fotos do 2022, para que as gardedes con moito cariño.

Como vedes, en decembro continuamos coas mesmas rutinas: encontro, almorzo, propostas de xogo na aula, xardín, corredor… E algunha que outra sorpresiña!

No corredor e no xardín, tamén disfrutamos un montón.

E así foi como chegou o Nadal á nosa escola, coas súas postais e a súa correspondente festa!

E despois de tanto troulear toca descansar…

Ata a próxima, familias!

Boas a todos/as, despois deste parón navideño, voltamos á rutina con moita máis forza e para que vexedes como foi o derradeiro mes do ano, aquí unha pequena mostra

gracias pola espera de fotos

Ata a próxima

Lucía

¡Feliz ano 2023!

Acabamos o ano por todo o alto preparándonos para a festa de Nadal.

Fixemos adornos para pendurar das vosas árbores de Nadal, pisamos as uvas para facer a vendimia, (a nosa maneira)  e pasámolo moi ben facendo os doces de Nadal no obradoiro, que degustamos durante a festa. Moitas gracias pola vosa colaboración e esperamos que teñades unha moi boa entrada de ano.

Unha aperta moi grande e ata o mes que ven.

Bos días de decembro, familias!

Nesta publicación imos comezar con exemplos das novidades desde mes, como as instalacións de xogo con elementos “metálicos” e con elementos de madeira coloridos.

Outra novidade que nos encantou foron as mesas de experimentación onde disfrutamos un día con pan raiado e outro día con pasta tiburón.

A mesa de luz, tamén foi outra novidade que nos encantou!

E seguimos facendo xogo heurístico e outras dinámicas dentro da aula, no corredor e ata nas dúas aulas abrindo as portas de corredeira…

Por suposto, nunca pode faltar o momento do encontro, de contar o conto e outras historias…

E o noso xardín onde aproveitamos todo para experimentar: as follas de outono, a auga das xeadas…

Que pasedes un bo mes de Nadal, familias!

Nós seguiremos por aquí, coas nosas cousas…

Ola familias!.

Xa temos as fotos do mes de Novembro no que fixemos moitas actividades e experiencias que nos gustaron moitísimo. Comezamos a empregar as instalacións na aula, vaciándoas por completo de mobiliario e dispoñendo de xeito astístico e/ou provocador o material que desexamos que empreguen, para así estimular a súa participación e creatividade.

Tamén fixemos manipulación de materiais como follas, papel, pan relado …. ,e moitísimas outras cousiñas como circuitos de psicomotricidade, pintar con ceras, con pintura de dedos, con pinceis e con ramas empregadas como pinceis para conformar o noso mural de Outono …

Esperamos que vos gusten.

Un saúdo e ata o mes que ven.

Boas familias, este mes fixemos moitas cousiñas divertidas  na nosa aula: xogamos con follas, con rollos de papel, tamén trituramos papel e usamos pinzas para collelo. O que máis nos gustou foi recollelo coas vasoiras, somos moi traballadores!. tamén fixemos unha oficiña, que ben o pasamos tocando nos teclados e falando polos móviles,… E con pan raiado, metendo e baleirando nos  vasiños, manipulando follas e troncos de madeira. En definitiva, estamos pasando moi bos momentos na escola.

Espero que vos gusten e a espera das seguintes fotos do vindeiro mes

Un saúdo

Lucía