Bos días, familias.
Por fin vos deixamos unas fotiños para que vexades como foi a volta á escola. Son fotiños da última quincena, porque as primeiras semanas foron tan duras que nin tempo para sacar fotos. Normal… Despois de tanto tempo na casiña coa familia… E por riba nin a cara das titoras podíamos ver con eses tapabocas.
Pois como vos diciamos, as primeiras semanas estivemos coñecendo ás titoras e @s compis, e despois xa nos centramos en coñecer todos os xoguetes, espazos e recunchos da escola.
Comezamos dentro da aula: Os animais, os coches, os bebés, os contos, as pezas de insertar, o xogo de almorzar…
No patio interior tamén descubrimos outros recunchos interesantes, como o da cociña e o da cama de descanso… E as motos tampouco podían faltar.
Despois comezamos a saír ó xardín pequeno os días de sol, e cando xuntamos o kit invernal, tamén saimos aqueles días menos soleados.
E por último botámonos a descubrir o xardín de atrás, co seu patio cuberto cheo de coches e de motos, e o xogo do tobogán!
Pero entre tanto traballo aínda tivemos tempo de parar para refrescarnos un pouco e reponer enerxías co almorzo de media mañá.
Aínda así, ás veces non conseguíamos aguantar para xantar.
E por fin a descansaaarrrr!!!!
Descansade vós tamén, que boa falta fai!
Biquiños!