Bo día, familias!

Queremos informarvos de que, dende fai unhas semanas, estamos tendo problemas técnicos co TOKAPP SCHOOL.

Mentras se soluciona,  seguimos poñendo as circulares e demais información no taboleiro de cada nivel coma sempre, e ademais agora tamén a subimos ó blogue.

Un saúdo de todo equipo!

Benqueridas familias:

O día 31 festexaremos o Samaín cunha gran festa na que podedes participar traendo elementos decorativos da época, coma cabazas decoradas, morcegos,  teas de araña o calquera outra cousiña que se vos ocurra, dende agora ata o día da festa.

Tamén celebraremos esa semana (29, 30 e 31 Outubro) pequenos obradoiros que se distribuirán do seguinte xeito:

Luns 29: Vaciado de cabazas. Ó que vos convidamos a vir, se queredes participar só tedes que dicirllo os titores dos vosos fillos e fillas.

Martes 30: Facemos unha receta coa cabaza como ingrediente principal.

Mércores 31: faremos un encontro no patio, para o que os nenos e nenas poden vir disfrazados da casa; degustaremos as receitas de cabaza, e faremos un bailongo por todo o alto con desfile de disfraces incluído.

Moitas grazas,

O equipo educativo

Boas tardes, familias!

Temos que recoñecer que a aula 7 tivemos unha adaptación moi levadeira. A quen lles custou un pouquiño máis foron ós novos compis que comezaron este curso: Pablo, Antón, Martín e Leo. Pero aínda así, quitando a primeira semana, eles tamén o levaron moi ben.

Os primeiros días invitamos ás súas familias a pasar un tempiño con nós na aula…

E despois, non hai disgusto que non se cure cun entretido conto, un gran achuchón, un bo almorzo e as pompas de xabrón!

Xa comezamos a xogar por recantos: coa cociña, cos coches, coas pezas… e coa perruquería!

E ata coa plastilina!

Pero onde máis disfrutamos é nos xardíns ó aire libre!

Agora a escola xa se convertiu na nosa segunda casa.

Ata a próxima visita, amiguiñ@s!

Moitos biquiños!

Xa temos as primeiras fotos da aula das avestruces.

Por fin podémosvos amosar un pouco do que fixemos durante a adaptación. Intentamos mitigar os choros e angustias mediante pequenas actividades relaxantes, como a plastilina ou sair ó aire libre no noso fantástico xardín. Tamén déunos tempo a coñecer a Charo, que nos acompañará todos os luns para traballar na horta. Comezamos a introducir as rutinas do día a día como o momento do conto ou o almorzo, que como podedes observar, son  acollidos de bo grado.

Moito máis calmos e asentados despedímonos ata o mes que ven.

Un saúdo familias.

Benqueridas familias:

Vai comezar na Escola Infantil A Canteira a tempada do Magosto

O día 26 festexaremos o Magosto cun gran encontro de todos os nenos e nenas da escola no patio e teremos a visita dunhas castañeiras ou castañeiros, e para isto pedimos a vosa colaboración, ¿alguén se anima a representar estas típicas personaxes? Se a alguén lle apetece participar, poñédevos en contacto coas titoras ou titores. De seguro que o pasaremos moi ben.

Tamén queremos pedir a vosa colaboración para que traiades da casa elementos naturais do Outono, como follas, piñas, castañas… calquera cousiña propia destas datas que podamos aproveitar para experimentar, manipular e decorar os nosos espazos.

Para celebrar o Magosto o próximo día 26, tamén necesitaremos que traiades un tetrabrick ou envase de cartón limpo e cortado pola metade para utilizar como recipiente individual, onde gardaremos as castañas que nos repartan as castañeiras.

Moitas grazas,

O equipo educativo

HOLA FAMILIAS!

Estreamos curso, e comezamos coas pilas ben cargadas e dispost@s a aprender un montón.

O mes de setembro foi a toma de contacto, comezamos a adaptarnos as caras novas, as rutinas, os demáis compañeiros e compañeiras,… todo un reto para nós pero estámolo facendo xenial.  SOMOS UNS CAMPIÓNS!