Boas tardes, familias!
Aquí estamos unha vez máis para mostrarvos as cousas mil que fixemos en abril!
Coa chegada do bo tempo, disfrutamos moito do xardín e aproveitamos para RECOLLER FOLLAS E FLORES (e algunha que outra miñoquiña) coas que logo pintamos e decoramos as preciosas flores que colgamos na entrada da nosa aula.
Tamén PINTAMOS PAOS DE MADEIRA para as nosas escobas e recolledores E BOTELLAS DE PLÁSTICO para facer xoguetes de insertar, porque o material de psicomotricidade que temos na escola xa o dominamos!
E seguimos coas flores… Pintando coas nosas mans FLORES NA CRISTALEIRA, e coloridos MURAIS DE PRIMAVERA! Con rotuladores, por vez primeira!
Pintamos máis FLORES CON CERAS MANLEY e logo pegámoslles GOMETS e difuminamos as súas cores con ACEITE DE BEBÉS… Quedaron ben olorosas!
Así que seguimos ULINDO, MANIPULANDO E EXPERIMENTANDO CON DIFERENTES FLORES: margaridas, violetas… e sobre todo camelias.
E xa só nos faltaba probalas. Flores comestibles non conseguimos, pero conseguimos unhas froitiñas con folliñas chamadas “PHYSALIS”, que ó lado da PAPAYA pareciannos pequenas floriñas. Moito nos gustaron! Máis que a papaya e iso que son un pouquiño ácidas.
Tamén COMPARTIMOS as nosas flores c@s muiñeir@s para que decorasen a escola con elas. Traballo en equipo!
Tampouco nos olvidamos de REVISAR E REGAR OS BULBOS que plantamos en marzo e que xa se converteron en plantiñas. Como van medrando! Unha ata floreceu!
E continuamos coas instalacións, coa horta, cos recantos do hospital e da perruquería…
Puxémonos morados coa merendola de fresas con chocolate e cos obradoiros de pizzas…
Fixemos un obradoiro de instrumentos musicais coas familias…
Pero os nosos mellores momentos nunca somos capaces de os fotografiar para volos mostrar…
Ou case nunca! ;-D
A seguir bailando e bicando!
Ata a próxima!