Boas tardes, amoriños!

@s trouleir@s non paramos! : Celebracións varias de Nadal, aniversarios, entroido…

Por fin temos un momentiño de calma para contarvos como comezamos o ano.

E como iamos empezar co ben que nos portamos?

Cunha grande sorpresa que nos deixaron os Reis Magos na árbore de Nadal que pintaramos coas nosas mans.

Trufas de chocolate! Parecidas ás que fixemos no obradoiro de Nadal coas familias, pero XIGANTES!

E outro día tamén comemos polvoróns, que nos quedaran sen probar… Con moita auga para non afogar!

E xa que non podiamos ter maxia coma a dos Reis Magos para comer todas as trufas que quixeramos… Polo menos poder ter unhas coroas tan bonitas coma as súas, para as grandes celebracións. Que bonitas nos quedaron!

Tamén quixemos pintar o mal tempo que fixo… As nubes, a chuvia, o vento… Primeiro na parede con pintura de dedos, e despois no chan, con ceras de moitas cores!

E xa que non puidemos saír demasiado ó xardín por culpa da choiva, xogamos na escola coa roupa e outros complementos de inverno para espantalo frío.

E como paraugas na escola non temos, pintamos uns preciosos paraugas de inverno.

Tamén continuamos coas intalacións semanais…

Coñecemos unha nova personaxe chamada “Leotolda”, pero como non a puidemos ver, tivémola que imaxinar… Grande e redondiña, e moi contentiña! E logo pintámola.

Coñecemos personaxes novas, pero sen olvidarnos  dun dos nosos preferidos…O Monstro de cores!

Seguimos contando o seu conto, cantando a súa canción… e ata pintamos os lios que se fai con bastonciños dos oídos.

Quedaron preciosos, pero aínda máis fermosos os vimos nas nosas cabezas cando se converteron en diademas.

Xa nolas veredes nas fotos dos cumples… A seguir esperando!

Bicos!