Bos días familias!!

Hoxe na escola foi un día moi especial….as profes tíñannos preparada unha super sorpresa!! fixeron unha coreografía moi chula dunha panxoliña: “polo Nadal, polo Nadal, polo Nadal…Turrón e mazapán”. Gustounos moito e rapidiño aprendemos o baile.

Despois puxemos música e bailamos un montón.

E por suposto, probamos as lambonadas que fixemos durante a semana.

Agora só nos queda desexarvos un bo Nadal.

Este mes pasámolo xenial na aula dos soletes.

Traballamos moito cos nosos sentidos. Primeiro o gusto, encántanos meter na boca todo o que cae nas nosas mans…esta vez…plátano e mandarina, que antes de probar tivemos que pelar.

Logo o olfato. Ulimos un montón de cousas: cremas, esencias, colonias,…Algúns olores gustáronnos moito pero outros non tanto.

O oído tamén o tivemos que afinar para tocar instrumentos.

Xogamos con telas, bufandas…a disfrazarnos…cada cousiña tiña un TACTO ben distinto.

E pasámolo xenial coas luces e linternas, taballando o sentido da VISTA.

Chegou novembro… e como di ó refrán…

“Dende Santos ó Nadal é inverno natural”.

E con elementos do inverno traballamos en novembro.

Manipulamos froitos secos: castañas e noces. E almorzámolas!

Tamén almorzamos mandarinas que nós mesmos mondamos… e algún que outro mexunxe coma xelatina de fresa con grans de granada!

E despois de almorzar a traballar!

Con garfos de plástico pintamos as púas dun porco e dunha porca espín.

E con corchos tamén pintamos as plumas para facer unhas curuxas.

E despois de traballar a cantar!

Coa pandereta e a melodiosa voz da “profe” Alicia disfrutamos dunhas divertidas foliadas.

E despois de cantar a nos relaxar antes de xantar!

Unhas veces relaxámonos coas cóxegas que nos facemos cos elementos da caixa do tacto: algodóns, plumas, pompóns… Outras veces cos nosos relaxantes coxíns.

Ola familias!

Como as nubes non paran nunca, en outubro non tivemos espazo para mostrarvos cousiñas da temática do Samaín, antes de publicar as fotos de novembro imos facervos agora unha minidemostración do Samaín.

Experimentamos con cabaza e pintamos en papel branco.

Pintamos as cabazas que nos trouxeron as familias con pintura e dedos negra e branca para logo decoralas…

E tamén nos decoramos nós!