Hola de novo familias!

Xa estamos a piques de acabar o curso, aquí vos deixamos unha mostra do que pasou na sala dos magos este mes de maio.

Aproveitamos o bo tempo para saír ó exterior e alí facer as actividades. Sacamos cunchas, pedras e xiz, pintamos no chan da explanada, fixemos caracois coas pedras,…pasámolo xenial. Tamén aproveitamos o areeiro e todo o que nos rodea, ¡as árbores dannos moito xogo!

Tamén probamos froitas desta tempada: amorodos.

Xogamos con plastilina, cada vez facemos cousiñas con máis intención, en tres dimensións, e temos moita imaxinación.

Xa queda pouco! Que peniña que remate o curso, que rápido pasou! Bicos!