Ola familias!
Aquí vos presentamos a todos os compis de A Canteira, entre todos facemos un número redondo…o 100.
Como xa sabedes cada aula representa unha das personaxes do mundo circense e as nosas orlas están ambientadas con esta temática.
As familias da Aula 1 ( Sala dos elefantes) terán que esperar un pouco mais xa que faltan compañeiros por incorporarse, e queremos que estén todos para poder presentar ao grupo.
Comeza na Escola Infantil “A Canteira” a Semana do Samaín.
Este ano queremos celebrar un concurso de cabazas e para iso pedimos da vosa colaboración.
Precisamos que o luns 3 de novembro traiades da casa cabazas decoradas (lembrade que este ano somos o circo, podedes customizalas con motivos da temática)
O martes 4, estarán expostas na entrada. Poremos a vosa disposición, un buzón onde votaredes a que máis vos guste.
O mércores 5, farase o reconto dos votos e se darán os resultados e o premio.
Moitas grazas pola vosa colaboración.
O equipo educativo.
Ola familias!
Hoxe pasamos un día super divertido!
Cun pouco de puré de cenoria e cun papel no chan disfrutamos dun momento máxico e sensorial cos nosos peques.
As súas caras foron un verdadeiro poema e nós quixemos deixar fotografiado este momento para compartilo con vós.
Os compis que estaban durmindo ou os que aínda non teñen introducida a cenoria na dieta, non poideron participar… pero non vos preocupedes que temos un montón de sorpresas para cada día.
BANCO PASTOR: ES48 0238 8113 92 0600072725
(nº conta ANPA)
A dirección da Escola
13 de outubro de 2014
Bos días familias!
Hoxe recibimos unha carta moi especial no buzón da nosa aula. Nin máis, nin menos, que do mestre de cerimonias dun circo moi famoso no mundo mundial!!!
Esta carta significa, que comezamos a traballar xa sobre a temática, e polo tanto, animámosvos a que participedes neste proxecto. Para iso temos que investigar e recopiar un pouquiño de información sobre o circo a nivel xeral e as súas personaxes máis concretamente. Seremos pois:
A aula 1: os elefantes.
A aula 2: os leóns.
A aula 3: os paiasos.
A aula 4: os forzud@s.
A aula 5: os equilibristas.
A aula 6: os malabaristas.
A aula 7: os magos.
No recanto de pais e nais, teredes á vosa disposición a programación do primeiro trimestre, para orientarvos un pouco e sacar ideas.
Gracias pola vosa colaboración.
Estimadas familias das aulas de bebés:
Para este curso 2014-2015 temos unha proposta educativa para levar a cabo en colaboración familia e escola: A BOLSA DA VIDA.
A BOLSA DA VIDA é un elemento que acompañará ó neno/a ó longo dos tres cursos, desde o comezo da súa escolarización na escola A Canteira ata o final da mesma.
A súa finalidade é a de fomentar un vínculo entre a familia e a escola, participando ambos ámbitos no crecemento, maduración e educación do neno/a.
Esta bolsa irá medrando co neno/a e axudaralle a crear unha historia de vida, aportándolle seguridade e confianza.
Ó ser un instrumento que van a manipular constantemente os nenos/as, ten que ter unhas características para a súa elaboración:
– Cada familia elixirá unha bolsa de tea de tamaño medio, por exemplo as que se empregan para gardar roupa.
– Cada familia decorará a bolsa libremente: con pinturas para tela, con teas ou accesorios grandes ben cosidos ou pegados, etc.
A BOLSA DA VIDA traerá dentro dúas sorpresas que descubriremos na escola: o OBXECTO QUE SE CORRESPONDA CO SEU SÍMBOLO e unha FOTO FAMILIAR. Esta foto será dun tamaño de 10×15. Por un lado irá unha foto actual do neno/a e polo outro lado irá unha foto de tódolos membros da familia. Dita foto tamén será plastificada pola familia.
A medida que avance o curso, tanto as familias como a escola, iremos aportando novos materiais para introducir na bolsa. Xa vos iremos informando, así que estade pendente deste recanto de pais e nais.
Moitas grazas pola vosa colaboración
Superado o período de adaptación, aquí vos deixamos unha mostra do que facemos na escola. Este mes tomámolo con calma, coñecemos ós compis, os espazos,…. Xa estamos preparados para comezar co traballo duro!
E mirade que ben comemos! como se nota que somos maiores!
