Que mes mais intenso!

Quixemos aproveitar ata o último momento o traballo de historietas e contos.

Alejandra trouxo o conto da Vaca Lola, esta vaca fai cousas moi especiais porque é capaz de poñer ovos. Esta vez, tivemos que axudala a buscar os ovos por todo o xardín porque os perdou. Que ilusión ir atopando pouco a pouco os ovos de Lola.

Os  conto dos Chibo e chibóns gústalles un montón; así que con poucas cousas convertemos o patio no escenario do conto; e como na biblioteca, estivemos sentados nos bancos escoitando moi atentos a historia.

Visitounos o Gato Garabato, trouxonos un montón de sorpresas. Esta vez foi de viaxe e sacou fotos de lugares fermosos, trouxonos a súa cámara de fotos e ata unha pelicula que fixera para nós.

Que cousa tan rara, como pode estar unha película gardada nesa cinta?

Xogamos coas luces e sombras. Fixemos figuras e intentamos adiviñar que imaxe se encondía detrás de cada tarxeta.