@S BAILARÍNS EN FEBREIRO

 Bos días familias!!!

@s bailaríns xa estamos de volta para mostrarvos o que estivemos facendo durante estes meses.

En febreiro, co entroido, traballamos a arte do teatro. Unha vez máis o Gato Garabato deixounos agasallos e sorpresas que descubrimos seguindo as pistas, esta vez foron caquiñas. 

Na nosa aula tamén apareceu unha maleta con disfraces e os monicreques do conto de “Carapuchiña Vermella”, que usamos para representar o mesmo conto.

Outro conto que traballamos foi o de “Os tres porquiños”, e logo pintamos as caretas dos porquiños e do lobo con pintura de dedos.

Ademais de traballar o teatro, traballamos o entroido de moitas formas diferentes!

@S BAILARÍNS EN MARZO

 Ola familias!

 E por fin… con marzo chegou a nosa arte preferida: O baile!

Veu chea de sorpresas…

Unha avoa fíxonos unha demostración de sevillanas e rumba, que logo nos imitamos.

 Cristina, unha monitora de baile, amenizounos a xornada con diferentes bailes de pañuelo.

Pero non só bailoteamos, tamén fixemos máis cousiñas… como pintar! Pintamos bailaríns, pintamos a primavera…

 Biquiños e ata outro día!