Arquivos mensuais: Novembro 2008

A FESTA DO SAMAÍN…

No Samaín desfrutamos nunha festa alucinante… Toda a comunidade educativa da galescola: familias (nas que non só participaban a nai ou o pai senón tamén, avós, avoas, madriñas, padriños, irmás, irmáns,…), educadoras/es  e claro está as propias crianzas.

Cunha sorpresa engadida xa que tamén participaron as crianzas do curso pasado que agora xa están no cole das/os maiores. Xuntas/os puidemos desfrutar dunha serie de obradoiros que tiñamos preparados…

Os obradoiros desenvolveronse de 17:00 (hora de comezo da festa) até ás 18:00h xa que a esta hora tiñamos preparada outra pequena sorpresiña…

A festa foi todo un éxito… as familias, crianzas e educadoras/es desfrutamos moito deste gran día… cando estabamos comendo o chocolate apagamos as luces e acendimos todas as cabazas que se fixeran no obradoiro.

Por suposto agradecimos toda a colaboración prestada polas familias e tamén agradecimos a participación da nosa promoción do 2007-2008 a cal moi encantadas/os estivemos de recibir.

MOITAS GRAZAS A TODAS E A TODOS!

Sentindo a música ¶¶¶¶

Combinado de instrumentos para pasar un bo rato… algúns son de verdade como a pandeireta pero temos outros máis artesáns ou de refugallo como as cunchas das vieiras pero tamén descubrimos que até unhas noces poden servirnos para facer música… Os bebés experimentaron coa boca xa que é un dos órganos sensoriais máis importantes do que dispoñen pero as/os máis maiores experimentaron xa tocando ao son dunha cantiga…

 

Estrelas de mar…a balancear!

Os bebés experimentaron o balanceo nunha manta. Cunha manta estirada no chan e, posteriormente, colocamo ao bebé enriba dela estirado. As reaccións foron diversas dende risas, ledicia até choros. O balanceo comezaba ao son da cantiga “Din, don, din, din, don” repetíndoo varias veces e despois “Arriba, arriba, arriba; abaixo, abaixo, abaixo” así durante uns minutiños.    

Xuntanza período de adaptación…

As educadoras/es non esquecimos a gran importancia da participación da familia nesta data de celebración e por iso convidamos ás familias a participar nuns obradoiros de cabazas.

Os obradoiros desenvolveronse en xornada de tarde: o mércores 29 e o xoves 30 en horario de 18:00 a 20:00h. Encargaronse destes obradoiros Emma e Fernando aínda que os principais protagonistas foron as familias das crianzas que, até provistas de maletíns con vaciadores, fixeron unhas cabazas dignas de admiración.

Eiquí tedes un pouco do traballo e os resultados finais! Grazas pola vosa participación e vos animamos a seguir participando como até o de agora nas diversas actividades que iremos desenvolvendo ao longo do curso…

Unha vez case rematado o período de adaptación pensamos que sería unha boa idea facer unha xuntanza coas familias e que nos explicaran un pouco como sentiron o período de adaptación. Non se trataba de individualizar ningún caso senón de dicir algúns sentimentos, emocións, cousas que lles gustaron, que non…

Á xuntanza asistiron bastantes familias que deixaron patentes as súas opinións e ideas. Nunha avaliación final feita polas educadoras/es consideramos que o período de adaptación (aínda que algunha/ún non o rematou) foi bastante positivo. Sabemos, tamén, que cometemos algún erro quizais sendo algo rápidas/os con algunha crianza pero en xeral a valoración é moi positiva.

Eiquí tedes algunha foto da xuntanza…

A vendima tamén chega á galescola de Fene!

Unha vez dispuxemos todo no patio para vendimar fumos saíndo aula por aula para experimentar a gran sensación de vendimar. Tiñamos todo disposto: a máquina, as tinas (unha para pisar as uvas e a outra para lavar os pés, claro está!) e as uvas, por suposto.

As nenas e os nenos estaban impacientes xa que días antes viñemos falando das uvas, da vendima e un pouco de todo o proceso. Cantando ademais a nosa particular cantiga da vendima:

“O xogo do viño consiste en pisar, as uvas moradas que hai no lagar. As piso, as piso e as volvo a pisar, as uvas moradas que hai no lagar”

Bueno e eiquí vos deixo con todo o que supuxo esta xornada de mañá e tarde pisando as uvas…

Ademais non nos queríamos esquecer de darlle mil grazas a Domingo (pai de Nuria, unha das educadoras) por levar a cabo este fermoso día da vendima!